10:08, 21 Январ 2021 | GMT +6
Жо Байден АҚШда пандемияга қарши курашишнинг янги қоидаларини жорий қилмоқчи
VASHINGTON. ҚазАқпарат - АҚШ касалликларни назорат қилиш ва олдини олиш марказининг хабар беришича, мамлакатда 15,7 миллиондан зиёд коронавирусга қарши эмлашлар амалга оширилди ва эмлаш пунктларига 31 миллиондан ортиқ дозада вакцина етказиб берилди, деб хабар беради Kazinform BBCга таяниб.
Афсуски, Америка Қўшма Штатлар беморлар сони бўйича биринчи ўринда туради. Шу сабабли ҳам сайланган президент Жо Байден инаугурациядан кейин вазиятнинг назоратдан чиқиб кетишига ёки кескинлашишига йўл қўймаслигини айтди.
Оқ уй маъмуриятининг янги раҳбарига кўра, Байден ўз ҳукмронлигининг биринчи кунларида пандемияга қарши курашнинг янги қоидаларини эълон қилмоқчи. Хусусан, «100 кунлик ниқоб чораси» («100 Day Masking Challenge») бошланади.
Айни пайтда, барча федерал муассасалар ҳудудида, шунингдек, давлат чегарасини кесиб ўтишда ниқоб кийиш мажбурий бўлади. Аввалроқ Байден Вашингтонда коронавирусдан вафот этган 400 мингдан ортиқ америкаликларни хотирлаш маросимида қатнашган эди