Яманда уч кун ичида 800 дан ортиқ одам ҳалок бўлди

Саудиянинг расмий SPA ахборот агентлиги маълумотларига кўра, охирги 72 соат ичида коалиция кучлари ғарбий Маариб вилоятининг Эл-Кесар ва Эл-Жабве туманларида 88 та операция уюштирган.

Операциялар натижасида 36 та ҳарбий машина йўқ қилинди ва камида 264 ҳусий зарарсизлантирилди, - дейилади хабарда.

Aйни пайтда Aнсоруллоҳ воизи Яҳё Сери матбуот анжуманида ҳусийлар 550 кишини ўлдирганини, 1200 кишини яралаганини ва 90 кишини асирга олганини айтди.

«Ғалабали баҳор» операцияси давомида Шабва ва Маариб провинцияларида 3,2 минг квадрат км майдон озод қилинди «, - деди Сери.

Эрон томонидан қўллаб-қувватланган «Aнсоруллоҳ» ҳаракати исёнчилари 2014-йил сентабр ойидан буён Яман пойтахти Сана ва мамлакатнинг бир қанча ҳудудларида назоратни ўрнатган.

Саудия Aрабистони бошчилигидаги коалиция Яман Ҳукуматини 2015 йилнинг март ойидан бери ҳусийларга қарши курашда қўллаб-қувватлаб келади.

Яманда 7 йилдан бери давом этаётган урушда 233 минг киши қурбон бўлди. Яман дунёдаги енг қашшоқ мамлакатлардан бири. Мамлакатда фуқаролар уруши туфайли кучайган гуманитар инқироз даҳшатли даражага етди.

Тахминан 30 миллион аҳолига эга Яман, БМТ маълумотларига кўра, дунёдаги энг жиддий гуманитар инқирозлардан бирига дуч келмоқда. Мамлакатда 22 миллиондан ортиқ одам ёрдам ва ҳимояга муҳтож.