Қозоғистонда молни тириклай экспорт қилиш тақиқланди

Ўтган йилда Қозоғистондан хорижга 156 минг қорамол чиқарилган. Шундан 121,6 минг ёки 78%и Ўзбекистон Республикасига, 14%и Арменияга экспорт қилинган.

Бундан ташқари 264 минг бош қўй олиб чиқилган, унинг ярмидан кўпи урғочи қўйлардир. Майда шохли молларнинг катта қисми, яъни 200 мингдан зиёди (76%) Ўзбекистонга, 21,5 минг (8,1%) Россия Федерациясига, 18 минг (6,7%) Озарбайжонга ватахминан 12 минг (4,5%) Эронга экспорт қилинган.

«Молни тириклайин экспорт қилиш гўшт нархининг ошиб кетишига олиб келди. Шу билан бир қаторда Қозоғистондаги гўшт қайта ишлаш корхоналари юкламаси камайиб кетди. 2019 йилда Қозоғистондаги гўштни қайта ишлаш корхоналари ўз салоҳиятларидан тўлалигича фойдалана олишмади. Агросаноат комплексини ривожлантиришнинг 2017-2021 йилларга мўлжалланган давлат дастурига биноан, қайта ишланган маҳсулот экспортини 2,5 баравар ошириш вазифаси қўйилган. Шу муносабат билан, ҚР Қишлоқ хўжалиги вазирлиги ҳамда ҚР Молия вазирликларининг 2019 йил 21 октябрдаги «Қишлоқ хўжалиги жониворлари экспорти масалалари тўғрисида»ги бирлашган буйруғига ўзгартириш киритилди. Жндиликда молларни тириклай экспорт қилиш тақиқланади», - дейилган вазирлик хабарида.