Алматига яна янги автобуслар олиб келинди

«Алматиэлектротранс» МЧЖ янги «Zhongtong» автобусларининг янги партиясини сотиб олди. Жамоатчилик талабига биноан № 121 йўналишли автобус 100 фоиз янгиланди. Янги 18та автобус яқин кунларда шаҳар кўчаларига чиқади, яна иккитаси резервда қолади», - деб маълум қилди шаҳар ҳокимлиги.

Автобуслар давлат рўйхатига олиниб, «Онай» электрон тўлов тизими ўрнатилгач ишга киришади. Ушбу автобуслар шаҳарда одам ташиш учун махсус ишлаб чиқарилган. Автобус суюқ табиий газ (CNG) билан ҳаракатланади, кондиционер ва видеоназорат тизимлари билан таъминланган.

Автобуслар 104 одамни сиғдира олади, 22та ўриндиқ бор, бундан ташқари ҳаракати чекланган йўловчилар учун 3та ўрин ажратилган.

Эслатиб ўтамиз, аввалроқ Еуро-5 талабларига мос Golden Dragon русумли 60та экологик автобус Алмати кўчаларига чиққанини хабар қилгандик.

Муаллиф: Алма Муқанова