10:41, 21 Январ 2021 | GMT +6
13 мингдан ортиқ этник қозоқлар ватандош мақомини олди
NUR-SULTAN. Kazinform – 2020 йил якунларига кўра 13 минг киши тарихий Ватанига қайтиб, ватандош мақомини олди. 1991 йилдан буён жами 1 млн 70,3 минг этник қозоқ келди, деб хабар беради Kazinform ҚР Меҳнат ва аҳолини ижтимоий ҳимоя қилиш вазирлиги матбуот хизматига асосланиб.
Ўтган йили Қозоғистонга келган ватандошларнинг ярмидан кўпи (53,1%) Хитойдан, 31,3% - Ўзбекистондан, 8,7% - Туркманистондан, 3,7% - Мўғулистондан ва 3,3% - бошқа мамлакатлардан келган.
Улар асосан Алмати (51,3%), Манғистау (13,3%) ва Туркистон (5,6%) вилоятларига, шунингдек Нур-Султан (4,1%) ва Чимкент шаҳарларига (3,9%) жойлашдилар.
2020 йил натижаларига кўра, меҳнатга лаёқатли ватандошлар сони 57,1%, меҳнатга лаёқатли ёшга етмаганлар 31,9% ва нафақахўрлар 11% ни ташкил этади.