02:00, 18 Сәуір 2021 | GMT +6
Әлішер Ерғали Азия чемпионатының күміс жүлдесіне ие болды
НҰР-СҰЛТАН. ҚазАқпарат – Еркін күрес шебері Әлішер Ерғали Алматыда өтіп жатқан Азия чемпионатында вице-чемпион атанды, деп хабарлайды Olympic.kz.
97 келі салмақ дәрежесінде ол финалда ирандық Али Халил Шабанибенгармен кездесті. Екеуара кездесу 12:2 есебімен қарсыластың еншісіне шешілді. Аталған салмақ дәрежесінде жапониялық Такаши Ишигуро мен үндістандық Сатуарт Кадиан қола жүлдені өзара бөлісті.