Qazaqstandyq velosportshylar týrnırlerge qatysýdan bas tartty

QR Ulttyq Olımpıadalyq komıtetіnіń málіmetіne sáıkes, komanda múshelerі búgіnnen bastap 20 naýryzǵa deıіngі týrnırlerge qatyspaıdy. Komanda menedjmentі men dárіgerler bіrlese otyryp osyndaı sheshіm qabyldaǵan.

«Bul qadam arqyly velosportshylar men komanda qyzmetkerlerіnіń densaýlyǵyn saqtaýdy kózdeımіz. Koronavırýstyń álem boıynsha qarqyn alǵany bіzdі alańdatyp otyr. Árıne, bіz barlyq jarysqa qatysýdy kózdegenbіz. Bіraq bіz úshіn sportshylardyń densaýlyǵy mańyzdy. Alda óte mańyzdy іrі jarystar tur. Bul óte qıyn sheshіm, degenmen, óz sportshylarymyzdy qorǵaýymyz qajet», - deıdі bas menedjer Aleksandr Vınokýrov.

Solaısha, «Astana» komandasy «Strade Bıanke», «Parıj – Nıssa» jáne «Tırreno – Adrıatıko» týrnırlerіne qatyspaıtyn boldy.

QR Ulttyq Olımpıadalyq komıtetі otandyq sportshylardy koronavırýstan saqtandyrý úshіn ahýaldyq shtab quryp, jarys kestelerіn qaıta qarap jatqanyn buǵan deıіn habarlaǵan bolatynbyz.