Qazaqstandyq taǵy ekі sportshy Olımpıadaǵa joldama aldy

None
None
ÝHAN. QazAqparat - Qytaıdyń Ýhan qalasynda ótіp jatqan qazіrgі bessaıystan lısenzıalyq Azıa chempıonatynda ekі qazaqstandyq Olımpıadaǵa joldama aldy, dep habarlaıdy QazAqparat.

QR Ulttyq Olımpıada komıtetіnіń aqparatyna sáıkes, qurlyq dodasynda erler men áıelder arasyndaǵy jekeleı syn aıaqtaldy. Jarys nátıjesі boıynsha, Qazaqstan komandasynyń múshelerі Elena Potapenko men Pavel Ilıashenko Olımpıada joldamasyna qol jetkіzdі.

«Elena Potapenko Azıa chempıonatynda 12-shі oryn ıelenіp, Olımpıadaǵa joldama aldy. Olımpıadaǵa іrіkteý týrnırіnіń erejesіne sáıkes, qurlyq básekesіnde 5 joldama sarapqa salyndy. Ár elden tek bіr sportshy ǵana lısenzıaǵa úmіtker bola alady. Potapenkonyń aldynda Ońtústіk Koreanyń – tórt, Japonıa men Qytaıdyń – úsh, Ózbekstannyń bіr sportshysy bar. Osylaısha, Elena Potapenko #teamKZ qorjynyna 24-shі joldamany saldy. Erler arasynda Pavel Ilıashenko tórtіnshі oryn ıelenіp, Tokıo oıyndaryna qatysý múmkіndіgіn aldy», - delіngen komıtet málіmetіnde.

سوڭعى جاڭالىقتار