OTAU TV ۇلتتىق سپۋتنيك جەلىسىنىڭ قۇرىلعانىنا 10 جىل تولدى
بۇل جايىندا اقپارات جانە قوعامدىق دامۋ ءمينيسترى ايدا بالايەۆا Facebook پاراقشاسىندا جازدى.
«وسىدان 10 جىل بۇرىن 2011-جىلدىڭ 18- قاڭتارىندا ەلىمىزدە OTAU TV ۇلتتىق سپۋتنيكتىك تەلەراديو حابارلارىن تاراتۋ جەلىسى ءوز جۇمىسىن باستاعان بولاتىن. سودان بەرى OTAU TV سپۋتنيك قىزمەتى ەلىمىزدىڭ بارلىق ايماعىنا جوعارى ساپالى اقپارات تاراتىپ كەلەدى. بۇگىندە ونى قولدانۋشىلاردىڭ سانى 1,5 ميلليونعا جەتىپ وتىر. حالىققا حابار جەتكىزۋدى قامتاماسىز ەتۋ ىسىندە «قازتەلەراديو» مەكەمەسى ۇنەمى ىزدەنىس ۇستىندە. بۇگىندە سپۋتنيكتىك جانە ەفيرلىك تەلەراديو حابارلارىن تاراتۋدى تولىق تسيفرلاندىرۋمەن قاتار ينتەرنەت-تەلەديدار فورماتىن دا وڭاي يگەرىپ، ناتيجەلى ىسكە اسىرىپ كەلەدى»، - دەپ جازادى ايدا بالايەۆا.
ونىڭ ايتۋىنشا، بۇل مەكەمە 60 تان استام وتاندىق تەلەراديوارنالاردى بىرىكتىرىپ، ەلىمىزدىڭ بارلىق ايماعىنىڭ كەز كەلگەن نۇكتەسىنە ساپالى ءارى جىلدام جانە ەڭ باستىسى تۇتىنۋشىلارعا تەگىن اقپارات جەتكىزىپ وتىر. ارينە وسىنداي اۋقىمدى جۇمىستىڭ تابىستى ىسكە اسۋى - قاتارداعى قىزمەتكەرلەردەن قۇرالعان ۇلكەن ۇجىمنىڭ تاباندى ەڭبەگى مەن جۇيەلى جۇمىستارىنىڭ ناتيجەسى ەكەنى داۋسىز.
«سوندىقتان «قازتەلەراديو» ا ق ۇجىمىن وسى مەرەيلى داتالىق مەرەكەمەن شىن جۇرەكتەن قۇتتىقتايمىن. الداعى ۋاقىتتا دا قوعامعا ءتۇرلى دەڭگەيدە حابار تاراتۋدىڭ قولدانىس اياسىن كەڭەيتىپ، ۇجىمدىق جۇمىستارىڭىزدىڭ الەۋەتى ودان ارى ارتا بەرسىن. ەل يگىلىگىن كوزدەگەن قىزمەتتەرىڭىزگە تولايىم تابىس تىلەيمىن»، - دەپ تۇيىندەدى ءسوزىن مينيستر.