07:10, 01 - قازان 2020 | GMT +6
ا ق ش- تىڭ MTV ارناسىندا ديماشتىڭ قازاق تىلىندەگى بەينەبايانى كورسەتىلەدى
نۇر- سۇلتان. قازاقپارات - MTV USA ارناسىندا ديماش قۇدايبەرگەننىڭ قازاق تىلىندە شىرقاعان ءانىنىڭ بەينەبايانى كورسەتىلەدى. وسىلايشا ديماش - MTV ارناسىنان ءوز تىلىندە ءان سالعان تۇڭعىش قازاقستاندىق ءانشى اتانعالى وتىر.
بەينەباياندى MTV USA ارناسىنىڭ رەسمي YouTube جەلىسى ارقىلى ا ق ش- تان وزگە كەز- كەلگەن ەل تاماشالاي الادى.
«مەنىڭ تىڭدارماندارىما، الەمنىڭ ءار تۇپكىرىندەگى مەنىڭ ونەرىمدى باعالايتىن جانكۇيەرلەرىمە شىن جۇرەگىممەن العىس ايتامىن. ولار مەنىڭ بالا ارمانىمنىڭ ورىندالۋىنا سەبەپكەر بولدى. قازاقستان عانا ەمەس، تورتكۇل دۇنيەدەگى Dear- لارىمنىڭ قولداۋىنا رازىمىن. قۇرمەتىم مەن العىسىم شەكسىز»، - دەپ ديماش ءوز لەبىزىن ءبىلدىردى.
بەينەبايان وسى جۇما كۇنى نيۋ- يورك ۋاقىتىمەن 17:00 مەن 20:00 ارالىعىندا، ال نۇر- سۇلتان ۋاقىتىمەن تۇنگى 03:00 مەن تاڭعى 06:00 ارالىعىندا جۇكتەلەتىنى بەلگىلى بولىپ وتىر. بۇل امەريكادا جۇما كۇنگى پرايم- تايم ۋاقىت. ءدال وسى ۋاقىتتا MTV ارناسىن ەڭ كوپ كورەرمەن قارايدى.