ەۋروپالىق وداق COVID-19-دان «ۆاكتسيناتسيا ءتولقۇجاتىن» ەنگىزبەك
«ۆاكتسيناتسيا تۋرالى سەرتيفيكاتتىڭ بولۋى مىندەتتى تۇردە قاجەت. بۇل مەديتسينالىق قاجەتتىلىك»، - دەدى ۋ. ليايەن پورتۋگاليا پرەمەر-ءمينيسترى انتونيۋ كوستامەن كەزدەسۋدەن كەيىنگى باسپا ءسوز ءماسليحاتى بارىسىندا.
دەگەنمەن، ۋرسۋلا فون دەر ليايەن پىكىرتالاستار بارىسىندا مۇنداي قۇجاتتى ەنگىزۋ كەزىندە ادامنىڭ قانداي قۇقىقتارى زارداپ شەگۋى مۇمكىن ەكەندىگىن تالقىلاۋ كەرەكتىگىن ايتتى.
قازىردىڭ وزىندە ە و- عا مۇشە ءبىرقاتار مەملەكەت مۇنداي «ۆاكتسيناتسيا ءتولقۇجاتىن» ەنگىزۋ كەمسىتۋشىلىك شاراسىنا اينالۋى مۇمكىندىگىن ەسكەرتكەن بولاتىن.
ويتكەنى، مۇنداي ءتولقۇجاتقا يە ازامات ەۋروپا ەلدەرىن ەركىن ساياحاتتاۋ مۇمكىندىگىنە بولسا، ۆاكتسيناتسيا الۋ كەزەگىندە تۇرعاندار ونداي قۇقىقتان قاعىلادى.
الايدا وداقتىڭ كەيبىر مەملەكەتى بۇل جوبانى ءتۋريزمدى جاڭعىرتۋ جانە پاندەميا كەزىندە ەلدەر اراسىندا ساياحاتتاۋشىلاردىڭ قوزعالىسىن جەڭىلدەتۋ ءۇشىن ىلگەرىلەتىپ وتىر.
«بارلىق ۋاقىتتا ءادىل تەڭگەرىم تابۋعا بولادى. ماسەلەن، ۆاكتسيناتسيا الماعاندار ءۇشىن كوروناۆيرۋسقا ارنالعان تەستىڭ تەرىس ناتيجەسىن سەرتيفيكاتپەن بىرىكتىرۋگە بولار ەدى»، - دەپ ۇسىنىس جاسادى ۋ. ليايەن.
ايتا كەتەيىك، 21- قاڭتار كۇنى ە و ۇكىمەت باسشىلارى بەينەكونفەرەنتسيا بارىسىندا كەزدەسىپ، كوروناۆيرۋس داعدارىسىمەن بايلانىستى سوڭعى جايتتاردى جانە ۆاكتسيناتسيا ءتولقۇجاتىن ەنگىزۋ مۇمكىندىكتەرىن تالقىلايدى.