استاناداعى مەكتەپتە وقۋشىعا دارەتحانادا جاسىرىن ەكپە سالىنعانى راس پا

None
None
نۇر-سۇلتان. قازاقپارات - الەۋمەتتىك جەلىلەر مەن مەسسەندجەرلەردە قازاقستاندىقتار نۇر-سۇلتاندا №58-مەكتەپتە اتا-انالاردىڭ رەسمي تۇردە باس تارتۋىنا قاراماستان بالالارعا جاسىرىن ەكپە جاسالاتىنى تۋرالى اقپارات تاراپ جاتىر.

حابارلامادا وقۋشىلاردىڭ بىرىنە دارەتحاناعا ۆاكسينا سالىنعانى ايتىلعان، دەپ حابارلايدى Stopfake.kz.

نۇر-سۇلتان قالاسىنىڭ ءبىلىم باسقارماسى بۇل وقيعاعا قاتىستى تۇسىنىك بەردى.

- ا. باكەيەۆا الەۋمەتتىك جەلىلەردەگى پاراقشاسىندا «3-سىنىپ وقۋشىسىنا دارەتحانادا ەكپە سالىندى» دەگەن جالعان اقپارات جاريالادى (بالانىڭ اناسىنىڭ سوزىنە سىلتەمە جاساي وتىرىپ). بۇل اقپارات شىندىققا سايكەس كەلمەيدى، ونى بالانىڭ اناسى راستادى. سونداي-اق، اۋىسىم اۋىسقان كەزدە 9-سىنىپ وقۋشىسىنىڭ جاعدايى ناشارلاعان. وسى كەزدە مەكتەپ مەدبيكەسى وقۋشىعا كومەك كورسەتتى، ءبىراق ا. باكەيەۆا ەرەجەنى بۇزىپ، ونى جىبەرۋدى تالاپ ەتتى. ا. باكەيەۆا ۆيدەوعا تۇسىرمەۋ تۋرالى ءوتىنىشتى ەلەمەدى، ال بۇل بالانىڭ قۇقىعىن بۇزۋ بولىپ تابىلادى. مەكتەپتىڭ كەزەكشى دارىگەرى وقۋشىعا العاشقى كومەك كورسەتتى، - دەپ حابارلادى ۆەدومستۆودان. سونداي-اق، مەكەمە قازاقستاندا مەكتەپتەردە بالالاردى COVID-19-عا قارسى ۆاكسيناتسيالاۋ جۇرگىزىلمەگەنىن جانە جۇرگىزىلمەيتىنىن اتاپ ءوتتى.

بۇرىن حابارلانعانداي، ەلىمىزدە تەك 12 جاستان اسقان بالالاردى عانا ك ۆ ي قارسى ەگۋ جوسپارلانعان. بۇل رەتتە پروتسەدۋرا تەك اتا-انالاردىڭ كەلىسىمىمەن عانا جۇزەگە اسىرىلادى.

سوڭعى جاڭالىقتار