قىسقى وليمپيادا: بەيجىڭ ۆاكسينا الماعان سپورتشىلارعا العاشقى شارتتارىن جاريالادى

None
None
بەيجىڭ. قازاقپارات - حالىقارالىق وليمپيادا كوميتەتى (ح و ك)، حالىقارالىق پاراليمپيادا كوميتەتى مەن «بەيجىڭ-2022» ۇيىمداستىرۋ كوميتەتى 2022 -جىلى بەيجىڭدەگى قىسقى وليمپيادا ويىندارىندا COVID-19 بويىنشا ۇسىنىستاردى قامتيتىن «پلەيبۋكتەردىڭ» العاشقى نۇسقالارىن جاريالادى.

بۇل تۋرالى «بەيجىڭ-2022» ۇيىمداستىرۋ كوميتەتىنىڭ سايتىندا جاريا ەتىلدى، دەپ حابارلايدى قازاقپارات مەنشىكتى ءتىلشىسى. ءبىر نۇسقاۋلىق سپورتشىلار مەن كوماندالاردىڭ رەسمي تۇلعالارىنا، ەكىنشىسى ب ا ق وكىلدەرىن قوسا العاندا، بارلىق مۇددەلى تاراپقا ارنالعان. كوروناۆيرۋسقا قارسى ۆاكسيناتسيانىڭ تولىق كۋرسىنان وتكەن بارلىق بەيجىڭدەگى 2022 -جىلعى وليمپيادا سپورتشىلارى مەن قاتىسۋشىلارى قىتايعا كەلگەننەن كەيىن جابىق سيكل جۇيەسىندە بولادى.

ۆاكسيناتسيادان وتپەگەن سپورتشىلار ق ح ر استاناسىنا كەلگەننەن كەيىن 21 كۇندىك كارانتيننەن ءوتۋى كەرەك. بەيجىڭگە كەلگەن سپورتشىلار مەن دەلەگاتسيالاردىڭ كەيبىر رەسمي تۇلعالارىنان باسقا، وليمپيادالىق اۋىلداردا سپورتشىلاردى ەرتىپ جۇرگەن وليمپيادا ويىندارىنىڭ بارلىق قاتىسۋشىسى كوروناۆيرۋسقا قارسى تالاپتارعا ساي كەلەتىن ۇيىمداستىرۋشىلار بولگەن قوناق ۇيلەردە تۇرادى.

ويىندارعا قاتىسۋشىلار مەن قىزمەتكەرلەر كۇن سايىن كوروناۆيرۋسقا قارسى تەستىلەۋدەن وتەدى.

«بەيجىڭ -2022» ۇيىمداستىرۋ كوميتەتى پاندەميانىڭ الدىن الۋ جانە وعان قارسى كۇرەس باسقارماسى ديرەكتورىنىڭ ورىنباسارى حۋان چۋن ويىن قاتىسۋشىلارى جارىستى وتكىزۋ ورىندارى مەن ورنالاستىرۋ نىساندارى اراسىندا، سونداي-اق جارىستىڭ ءۇش ايماعى - بەيجىڭ، يانچيڭ جانە جانجياكوۋ اراسىندا ەركىن جۇرە الاتىنىن ايتتى.

بەيجىڭدەگى 2022 -جىلعى وليمپياداعا قاتىسۋشىلار دەنساۋلىق جاعدايىن باقىلاۋ ءۇشىن «My 2022» ارنايى موبيلدى قوسىمشاسىن پايدالانۋى قاجەت جانە قىتايعا كەلەردەن 14 كۇن بۇرىن ءوزىنىڭ جاعدايى تۋرالى ەسەپ بەرە باستاۋى كەرەك.

ەسكە سالا كەتەيىك، بەيجىڭدەگى قىسقى وليمپيادا ويىندارى 2022 -جىلدىڭ 4-20-اقپان ارالىعىندا وتەدى.

اۆتور: اياۋلىم التىنبەك


سوڭعى جاڭالىقتار