ەلىمىزدە ۆاكسينا ەگۋ قارقىنىن ۇلعايتۋ قاجەت - ۇكىمەت باسشىسى

None
None
نۇر-سۇلتان. قازاقپارات - ەلىمىزدە ۆاكسينا ەگۋ قارقىنى تومەندەپ كەتتى.

بۇل تۋرالى ۇكىمەت وتىرىسىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«قازىرگى كەزدە بارلىعى 8,2 ميلليوننان اسا ادام ءبىرىنشى كومپونەنتتى، 7,4 ميلليونعا جۋىق ادام ەكىنشى كومپونەنتتى الدى. ۆاكسينا ەگۋ قارقىنى تومەندەپ وتىر. ونى ۇلعايتۋ قاجەت، اسىرەسە، قالىپ كەلە جاتقان وڭىرلەرگە قاتىستى»، - دەدى اسقار مامين.

پرەمەر-مينيستر ماڭعىستاۋ، باتىس قازاقستان، قوستاناي، اقمولا وبلىستارى مەن نۇر-سۇلتان قالاسىنىڭ اكىمدەرىنە ۆاكسينالاۋ ماسەلەسىن جەكە باقىلاۋعا الۋدى جانە ونىڭ قاجەتتى دەڭگەيىن قامتاماسىز ەتۋدى تاپسىردى.

«دەنساۋلىق ساقتاۋ، اقپارات مينيسترلىكتەرى حالىق اراسىندا ۆاكسينالاۋ مەن رەۆاكسيناتسيالاۋدىڭ ماڭىزى تۋرالى، سونىمەن بىرگە دەنساۋلىقتى ساقتاۋدىڭ جالعىز جولى - كوروناۆيرۋسقا قارسى ەكپەنى الۋ ەكەنىن ءتۇسىندىرۋ جۇمىسىن جالعاستىرسىن»، - دەدى ۇكىمەت باسشىسى.

وسى رەتتە اسقار مامين بۇل تاپسىرمالارعا جالپى باقىلاۋ جاساۋدى ورىنباسارى ەرالى توعجانوۆقا جۇكتەدى.

اۆتور: مارلان جيەمباي

سوڭعى جاڭالىقتار