11:18, 26 - قازان 2021 | GMT +6
پرەمەر-مينيستر ءبىرقاتار ءوڭىر اكىمدەرىنە «ەڭبەك» باعدارلاماسىن جانداندىرۋدى تاپسىردى
نۇر-سۇلتان. قازاقپارات - ق ر پرەمەر-ءمينيسترى اسقار مامين «ەڭبەك» باعدارلاماسىن جۇزەگە اسىرۋ دەڭگەيى تومەن وڭىرلەردى اتادى، دەپ حابارلايدى قازاقپارات ءتىلشىسى.
«الماتى، شىمكەنت قالالارى مەن باتىس قازاقستان وبلىستارىندا «ەڭبەك» باعدارلاماسى بويىنشا جىلدىق جوسپاردىڭ ورىندالۋ دەڭگەيى تومەن. سونىمەن قاتار، شىمكەنت قالاسىندا جانە قىزىلوردا، اقمولا، اقتوبە وبلىستارىندا جۇمىسپەن قامتۋ جول كارتاسى اياسىندا جوبالاردى ىسكە اسىرۋ دەڭگەيى ەڭ تومەن. بۇل اكىمدىكتەر جۇمىستى جانداندىرۋى قاجەت»، - دەدى پرەمەر- مينيستر ۇكىمەتتىڭ بۇگىنگى وتىرىسىندا.
ايتا كەتەيىك، بيىلعى 9 ايدىڭ قورىتىندىسى بويىنشا 1 ميلليوننان استام قازاقستاندىققا جۇمىسپەن قامتۋ شارالارى كورسەتىلدى.
وسى جىلدىڭ سوڭىنا دەيىن قوسىمشا 200 مىڭ ادامدى جاڭا جۇمىسپەن قامتۋ جوسپارلانعان.
اۆتور: ايجان سەرىكجان قىزى