10:49, 26 - قازان 2021 | GMT +6
قازاقستان دەلەگاتسياسى كليمات وزگەرۋى جونىندەگى ب ۇ ۇ كونفەرەنسياسىنا قاتىسادى
نۇر- سۇلتان. قازاقپارات - ۇكىمەت باسشىسى اسقار مامين كليماتتىڭ وزگەرۋى جونىندەگى بىرىككەن ۇلتتار ۇيىمىنىڭ نەگىزگى كونۆەنسياسىنا قول قويعان ەلدەر كونفەرەنسياسىنىڭ 26-سەسسياسىنا قاتىسادى، دەپ حابارلايدى قازاقپارات.
بۇل جايىندا مەملەكەت باسشىسىنىڭ باسپا ءسوز حاتشىسى بەرىك ءۋالي مالىمەت تاراتتى.
«پرەزيدەنت قاسىم- جومارت توقايەۆ پرەمەر- مينيستر اسقار مامينگە COP26 كليماتتىڭ وزگەرۋى جونىندەگى بىرىككەن ۇلتتار ۇيىمىنىڭ نەگىزگى كونۆەنتسياسىنا قول قويعان ەلدەر كونفەرەنسياسىنىڭ 26-سەسسياسىنا قاتىساتىن قازاقستان دەلەگاتسياسىن باسقارىپ بارۋدى تاپسىردى» دەپ جازدى ول Facebook پاراقشاسىندا.
ايتا كەتەيىك، جيىن شوتلانديانىڭ گلازگو قالاسىندا وتەدى.