گەرمانياعا كەلگەن بوسقىندار سانى وسۋدە

None
None
بريۋسسەل. قازاقپارات - گەرمانيانىڭ شىعىسىنا زاڭسىز كەلىپ جاتقان بوسقىندار سانى ارتۋدا، دەپ حابارلايدى قازاقپارات مەنشىكتى ءتىلشىسى نەمىس ب ا ق- تارىنا سىلتەمە جاساپ.

اتاپ ايتقاندا، وسى جىلدىڭ تامىزىندا نەمىس-پولياك شەكاراسىندا 209 ادام ۇستالعان. ولاردىڭ باسىم بولىگى تاياۋ شىعىس ەلدەرىنەن كەلگەن.

قىركۇيەكتە ولاردىڭ سانى 1164 كە جەتكەن. قازاندا گەرمانياعا باسپانا ىزدەپ كەلگەندەر سانى 2 مىڭ ادامعا جۋىقتاعان. زاڭسىز بوسقىندار پولشامەن شەكتەسەتىن براندەنبۋرگكە، مەكلەنبۋرگ- باتىس پومەرانيا جانە ساكسونياعا كەلىپ جاتىر.

نەمىس-پولياك شەكاراسىنىڭ ۇزىندىعى 460 شاقىرىمدى قۇرايدى. 2021-جىلى گ ف ر- گە 80 مىڭ ادام باسپانا سۇراپ، ءوتىنىش جىبەرگەن.

گەرمانيا بيلىگى قورعانىس شارالارىنىڭ ءبىرى رەتىندە كورشى پولشادان بەلارۋسپەن شەكارانى قورعاۋدى كۇشەيتۋدى سۇراپ وتىر.

شەكارا جابىلمايدى، دەپ راستادى گەرمانيا ىشكى ىستەر ءمينيسترى حورست زەەحوفەر.

شەكاراداعى قوزعالىس توقتاسا ەكى ەلدىڭ ەكونوميكاسى دا زارداپ شەگەدى.

سوڭعى جاڭالىقتار