قازاقستاندا ج و و- نىڭ ۇزدىك وقىتۋشىسى انىقتالادى

None
None
نۇر- سۇلتان. قازاقپارات – ق ر ءبىلىم جانە عىلىم مينيسترلىگى جوعارى وقۋ ورنىنىڭ ۇزدىك وقىتۋشىسىن انىقتايتىن بولادى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

«جوعارى وقۋ ورنىنىڭ ۇزدىك وقىتۋشىسى - 2021» رەسپۋبليكالىق بايقاۋىنا قاتىسۋ ءۇشىن قۇجاتتاردى قابىلداۋ 1- قاراشادان باستالىپ، 15 - قاراشاعا دەيىن جالعاسادى. جەڭىمپاز 6 ميلليون تەڭگە شاماسىندا سىياقى الادى.

بايقاۋعا جوعارى وقۋ ورىندارىنىڭ شتاتتاعى وقىتۋشىلارى قاتىسا الادى. ولاردىڭ ۇزدىكسىز عىلىمي- پەداگوگيكالىق ءوتىلى كەمىندە 5 جىل بولىپ، وقىتۋشىلىق جانە عىلىمي قىزمەتتە جوعارى جەتىستىكتەرى بولۋى ءتيىس. بايقاۋدىڭ ماقساتى - وقىتۋشى ماماندىعىنىڭ بەدەلىن ارتتىرۋ جانە جوعارى وقۋ ورىندارى وقىتۋشىلارىن كاسىبي تۇرعىدا ودان ءارى دامۋىنا ىنتالاندىرۋ.

كونكۋرس 2 كەزەڭنەن تۇرادى. الدىمەن، جوعارى وقۋ ورنىنىڭ ىشىندە، كەيىن رەسپۋبليكالىق دەڭگەيدە وتەدى. كونكۋرسقا قاتىسۋ ءۇشىن وتىنىمدەر مەن قۇجاتتار ق ر ب ع م universitycontest.iac.kz اقپاراتتىق جۇيەسى ارقىلى ەلەكتروندىق فورماتتا قابىلدانادى.

«جوعارى وقۋ ورىندارىنىڭ قىزمەتكەرلەرى مەن پروفەسسورلىق- وقىتۋشىلار قۇرامىنان تۇراتىن ساراپشىلار توبى كەلىپ تۇسكەن بارلىق قۇجاتتى تەكسەرەدى. ساراپتاۋ توبىنىڭ قورىتىندىسى نەگىزىندە ج و و كوميسسياسى كونكۋرسقا قاتىسۋشىلاردىڭ ەكىنشى رەسپۋبليكالىق كەزەڭگە قاتىسۋى تۋرالى شەشىم شىعارادى. رەسپۋبليكالىق دەڭگەيدە قۇرىلعان كوميسسيا قۇرامىنا ۇكىمەتتىك ەمەس ۇيىمداردىڭ، ب ا ق، ستۋدەنتتىك جانە جاستار ۇيىمدارىنىڭ، ج و و قاۋىمداستىقتارىنىڭ وكىلدەرى مەن ساراپشىلار ەندى»، - دەدى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.

ايتا كەتەيىك، «جوعارى وقۋ ورنىنىڭ ۇزدىك وقىتۋشىسى» بايقاۋىنىڭ جەڭىمپازدارى اقشالاي ىنتالاندىرۋمەن قاتار توسبەلگىگە يە بولادى. بايقاۋ اقپاراتتىق جۇيە بازاسىندا وتەدى، سايكەسىنشە كونكۋرسقا قاتىسۋشىلار بارلىق كەزەڭنىڭ اشىق ءوتۋىن باقىلاي الادى.

سوڭعى جاڭالىقتار