قىتاي ۆاكسيناسى وزبەكستاندا شىعارىلۋى مۇمكىن
بۇل تۋرالى قازاقپارات ءوزا سىلتەمە جاساپ حابارلايدى.
وزبەكستاننىڭ يننوۆاتسيالىق دامۋ مينيسترلىگى مەن فارماتسيەۆتيكالىق ونەركاسىپتى دامىتۋ اگەنتتىگىنىڭ شاقىرۋىمەن قىتايلىق «Anhui Zhifei Longcom Biopharmaceutical» كومپانياسىنىڭ دەلەگاتسياسى 23 -شىلدەدە تاشكەنتكە كەلدى.
مينيسترلىگتىڭ حابارلاۋىنشا، دەلەگاتسيا وزبەك- قىتاي ۆاكسيناسىن وزبەكستانعا ءوندىرۋدى جولعا قويۋ تۋرالى كەلىسسوزدەر جۇرگىزۋگە كەلگەن. ساراپشىلار ۆاكسينا ءوندىرىسىنىڭ ينفراقۇرىلىمدىق مۇمكىندىكتەرىن باعالايدى. قىتاي عىلىم اكادەمياسى SARS-CoV-2كوروناۆيرۋسىنا قارسى ۆاكسينا جاساۋ جوباسىنىڭ باستاماشىسى جانە ۇيلەستىرۋشىسى بولىپ تابىلادى.
يننوۆاتسيالىق دامۋ مينيسترلىگى جانىنداعى الدىڭعى قاتارلى تەحنولوگيالار ورتالىعى جانە دەنساۋلىق ساقتاۋ مينيسترلىگىنىڭ ۆيرۋسولوگيا عىلىمي- زەرتتەۋ ينستيتۋتى ۆاكسينالاردى سىناۋعا تىكەلەي قاتىسقانى، سونداي- اق كلينيكالىق زەرتتەۋلەرگە قوسقان ۇلەسىنىڭ ارقاسىندا وزبەكستان ۆاكسينانىڭ تەڭ قۇقىلى اۆتورى رەتىندە تانىلدى.
ايتا كەتەيىك، ZF-UZ-VAC2001 ۆاكسيناسىنىڭ وزبەكستانداعى قورى 8,5 ميلليون دوزاعا جەتكەن. بۇل ۆاكسينانىڭ ازاماتتار ءۇش دوزاسىن قابىلداعاندا تولىقتاي ەمدەلگەن بولىپ سانالادى.