پرەزيدەنت باعدات مۋسين ءبىرقاتار ناقتى تاپسىرما بەردى

None
None
نۇر- سۇلتان. قازاقپارات - مەملەكەت باسشىسى سيفرلىق دامۋ، يننوۆاتسيالار جانە ايروعارىش ونەركاسىبى ءمينيسترى باعدات مۋسيننىڭ ەسەبىن تىڭدادى، دەپ حابارلايدى ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ.

قاسىم- جومارت توقايەۆقا مينيسترلىكتىڭ بيىلعى ءبىرىنشى جارتىجىلدىقتاعى اتقارعان جۇمىستارى، مەملەكەتتىك قىزمەت كورسەتۋ ءىسىن دامىتۋدىڭ وزەكتى ماسەلەلەرى، سونداي- اق، پرەزيدەنتتىڭ قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا بەرگەن تاپسىرمالارىنىڭ ورىندالۋى تۋرالى باياندالدى.

مەملەكەت باسشىسىنا ينتەرنەت ساپاسىن ارتتىرۋ ءۇشىن قابىلدانىپ جاتقان شارالار تۋرالى مالىمەت بەرىلدى. باعدات ءمۋسيننىڭ ايتۋىنشا، مينيسترلىك ينتەرنەت ساپاسىن تەكسەرۋدى جيىلەتكەن. سونىڭ ناتيجەسىندە ساپاسىز قىزمەت كورسەتكەنى ءۇشىن بايلانىس وپەراتورلارىنا ايىپپۇل سالىنعان. سونىمەن قاتار ۆەدومستۆو باسشىسى پرەزيدەنتكە بيىلعى التى اي ىشىندە قازاقستانداعى ينتەرنەت ترافيگى 7900 پەتابايتقا دەيىن ارتقانىن جەتكىزدى. بۇل بىلتىرعى ءبىر جىل ىشىندەگى كورسەتكىشپەن سالىستىرعاندا 15 پايىزعا ارتىق.

مينيستر ينتەرنەت ساپاسىنا قاتىستى نەگىزگى كورسەتكىشتەر بويىنشا ءوسىمنىڭ وڭ قارقىنى بار ەكەنىنە نازار اۋداردى. قازاقستان ءبىر جىل ىشىندە موبيلدى ينتەرنەتتىڭ جىلدامدىعى بويىنشا

Speedtest Global Index رەيتينگىندەگى الاتىن ورنىن 15 ساتىعا جاقسارتىپ، 80- ورىندى يەلەنگەن. قازاقستان بەكىتىلگەن ينتەرنەت جىلدامدىعى جونىندەگى رەيتينگتە 65- ورىندا تۇر. سونىمەن قاتار مەملەكەت باسشىسىنا شالعاي اۋىلداردا جىلدامدىعى جوعارى كەڭ جولاقتى ينتەرنەتكە قول جەتىمدىلىكتى قامتاماسىز ەتۋ ءۇشىن جەر ءۇستى وربيتالىق سپۋتنيكتىك بايلانىستىڭ جەتەكشى وپەراتورلارىمەن بىرلەسە جۇرگىزىلىپ جاتقان جۇمىستار جونىندە باياندالدى.

بۇدان بولەك باعدات مۋسين كوروناۆيرۋس ىندەتىنە قارسى كۇرەستە جاڭا سيفرلىق تەحنولوگيالاردىڭ قولدانىلۋى جانە مەملەكەتتىك قىزمەت كورسەتۋ ۇدەرىسىن وڭتايلاندىرۋ جونىندە ەسەپ بەردى. اڭگىمەلەسۋ سوڭىندا مەملەكەت باسشىسى ءبىرقاتار ناقتى تاپسىرما بەردى.


سوڭعى جاڭالىقتار