التاي كولگىنوۆ: ءبارىڭىزدى شۇعىل تۇردە ەكپە الۋعا شاقىرامىن
«قالا تۇرعىندارى كۇن سايىن جولدا، جۇمىستا، تۋىستارىمەن جانە ت. ب. ادامدارمەن ارالاسادى. وكىنىشكە قاراي، ءبارى بىردەي قاۋىپسىزدىك شارالارىن ساقتاي بەرمەيدى. سانيتارلىق نورمالاردى جانە ءوزىن- ءوزى قورعاۋدىڭ قاراپايىم تاسىلدەرىن ساقتاماۋ قاتەرگە باس تىگۋمەن تەڭ. مۇنداي جاعدايدا ادام ءومىرى مەن دەنساۋلىعىنا قاۋىپ تونەدى. ءبارىڭىزدى شۇعىل تۇردە ەكپە الۋعا شاقىرامىن. ۆاكسيناتسيا عانا ءسىزدى جانە وتباسىڭىزدى رەانيماتسيادان، اۋرۋدان كەيىنگى وڭالتۋ كۋرسىنان، انتيبيوتيكتەر مەن وزگە دە اۋىر ءدارى- دارمەكتەر قابىلداۋدان ساقتايدى»، - دەپ جازدى اكىم جەلىدەگى پاراقشاسىندا.
سونىمەن قاتار ۆاكسيناتسيانىڭ ماڭىزىن ەلورداداعى قۇرىلىس كومپانيالارىنىڭ وكىلدەرىمەن دە تالقىلاعانىن جەتكىزدى.
«بيىل جۇمىس كوپ. قولجەتىمدى تۇرعىن ءۇي قۇرىلىسىنىڭ كولەمى، وقۋ ورىنداردىڭ، الەۋمەتتىك نىسانداردىڭ قۇرىلىسى جانە ت. ب. ارتپاق. الايدا ۇجىمدىق يممۋنيتەت قالىپتاسپاسا، قۇرىلىس جۇمىستارى توقتاتىلادى. ۆاكسيناتسيا ارقىلى عانا ۇجىمدىق يممۋنيتەتتى دامىتا الامىز»، - دەپ تولىقتىردى ا. كولگىنوۆ.