وليمپيادالىق كوماندا سپورتشىلارىن قولداۋعا ارنالعان بەينەباياننىڭ تۇساۋكەسەرى ءوتتى

دەپ حابارلايدى قازاقپارات Olympic.kz-كە سىلتەمە جاساپ.

«ارناۋ» انىنە ارنالعان بەينەبايانعا ايگىلى روزا رىمبايەۆا، تانىمال سازگەر رەنات گايسين، Ninety One توبى، مارسەل، ءالي وقاپوۆ، ايدانا مەدەنوۆا، قاراقات باشانوۆا، دينايا جانە ءمادي سىزدىقوۆ ءتۇستى. وعان نەگىز رەتىندە رەنات گايسين جازعان ۇلتتىق وليمپيادالىق كوميتەتتىڭ ءانۇرانى الىندى، ال ءماتىننىڭ اۆتورى - ميراس قالدىمۇرات. ءانۇراننىڭ قايىرماسى وليمپياداشىلارعا ارناۋ رەتىندە ايتىلادى.

ودان بولەك، «ارناۋ» ءانىن جارىققا شىعارۋعا ءالي وقاپوۆ، باتىرحان مالىكوۆ، دانيار قۇلىمشين، ازامات اشماقىن ۇلەس قوستى. ال ءان ءماتىنىن دانيار وتەگەن، دۋلات مۇحامەتقاليەۆ جانە الەكسەي ماكلاي جازدى. تۋىندىنىڭ ءتۇپ ماعىناسى ءاربىر اتلەتتىڭ ومىرىندەگى ەڭ باستى قۇندىلىق - وليمپيادالىق ارمان مەن ماقساتقا جەتەر جولىنداعى قيىندىقتاردى ەڭسەرۋگە نەگىزدەلەدى.

ءاننىڭ ليريكالىق وڭدەۋىن تانىمال مۋزىكانتتار دايىنداعان. بەينەباياننىڭ رەجيسسەرى - قازاقستاندىق اسحات بايانوۆ. ۆيدەوكليپتە ءاننىڭ نەگىزى ماعىناسى ساقتالعان. ال فوندا تانىمال قازاقستاندىق سپورتشىلاردىڭ جارقىن ساتتەرى بەينەلەنەدى. اتاپ ايتار بولساق، بوكسشى ۆاسيلي ليەۆيتتىڭ جەكپە- جەگى، دميتري بالانديننىڭ فينالداعى جەڭىستى ءساتى، دزيۋدوشى ەلدوس سمەتوۆتىڭ بەلدەسۋىنەن ۇزىندىلەر، گيمناست ميلاد كاريميدىڭ ونەر كورسەتكەن ءساتى، سپورتتىق قۇزعا ورمەلەۋدەن ريشات حايبۋللين مەن بوكسشى نادەجدا ريابەتستىڭ جاتتىعۋى، الەكساندر ۆينوكۋروۆتىڭ وليمپياداداعى جەڭىسى مەن بەكزات ساتتارحانوۆتى ماراپاتتاۋ ءساتى كورىنىس تاپقان.

«قازاقستاندىقتاردىڭ سپورتتاعى جەتىستىكتەرى ەلىمىزدىڭ تاريحىنا التىن ارىپتەرمەن جازىلدى. ولار شابىتتاندىرادى، قۋات بەرەدى جانە مىڭداعان وتانداستارىمىزدىڭ ماقتانىشىنا سەبەپ بولادى. وليمپيادا ويىندارىنىڭ اشىلۋ سالتاناتى وتەتىن كۇنى ءبىز سپورتشىلارىمىزعا ءبىز ءاردايىم قولدايتىنىمىزدى، جانكۇيەرلەردىڭ ماڭىزدى جارىسقتا مارە سىزىعىندا دايىن تۇرعان سپورتشىلاردىڭ ءاردايىم جانىنان تابىلاتىنىن جەتكىزگىمىز كەلەدى»، - دەدى ۇلتتىق وليمپيادالىق كوميتەتى #teamKZ- ءتىڭ «ءبىر ەل - ءبىر كوماندا» ۇستانىمىن ەسكە الا وتىرىپ.

مۋزىكالىق تۋىندى مەن بەينەبايان قازاقستاندىق سپورتتىڭ داڭقىن ودان ءارى اسىرىپ، توكيو وليمپياداسىنان تىس كەزدەردە دە قولدانىلادى. بۇل ەل سپورتىنىڭ وتكەنى مەن بۇگىنى جانە ۇمىتكە تولى بولاشاعىنا قاتىستى تۋىندى. 23- شىلدە كۇنى 2020 -جىلعى وليمپيادا ويىندارىنىڭ اشىلۋ سالتاناتى وتەدى. قازاقستان ۇلتتىق وليمپيادالىق كوميتەتى جانكۇيەرلەردى وتاندىق سپورتشىلاردى ەڭ سوڭىنا دەيىن قولداۋعا شاقىردى.