قازاقستاندا پاندەميا كەزىندە بالا تۋۋ كورسەتكىشى ارتتى

None
None
نۇر-سۇلتان. قازاقپارات – قازاقستاندا بالا تۋۋ دەڭگەيى ارتىپ كەلەدى. پاندەميا كەزەڭىندە كورستەكىشتەر بىلتىرعى سەگىز پايىزدان اسىپ ءتۇستى، - دەپ حابارلايدى Ranking.kz سايتى.

بيىل ءبىرىنشى توقساندا ەلدە 100,5 مىڭ بالا دۇنيەگە كەلگەن. بۇل سوڭعى جىلدارداعى وسى كەزەڭ بويىنشا ەڭ جوعارى كورسەتكىشى. بىلتىرعىمەن سالىستىرعاندا تۋىلعاندار سانى 8,4 پايىزعا جەتتى.

2020 -جىلعى ءبىرىنشى توقساندا قازاقستاندا 92,7 مىڭ ءسابي دۇنيەگە كەلگەن. بۇل ءبىر جىل بۇرىنعىعا قاراعاندا 0,8 پايىزعا عانا كوپ؛ 2019 -جىلى «كارانتينگە دەيىنگى» كەزەڭدە بار بولعانى 91,9 مىڭ بالا دۇنيەگە كەلگەن. بۇل بىلتىرعىدان 0,8 پايىزعا از.

جالپى ەلدەگى بالا تۋۋ دەڭگەيىنىڭ كوتەرىلگەنى 2020 -جىلدىڭ ءۇشىنشى توقسانىنان باستالدى، بىردەن 116,7 مىڭ ءسابي دۇنيەگە كەلگەن. بۇل ءبىر جىل بۇرىنعىعا قاراعاندا 8,4 پايىزعا كوپ. وسىعان ۇقساس جاعداي 2020 -جىلدىڭ ءتورتىنشى توقسانىندا دا قالىپتاستى: 111,7 مىڭ بالا دۇنيەگە كەلدى. بۇل بىلتىرعى سايكەس كەزەڭىمەن سالىستىرعاندا 9,5 پايىزعا كوپ.

ناتيجەسىندە، 2020 -جىلى ەلدە 425 مىڭنان اسا قازاقستاندىق دۇنيەگە كەلدى. بۇل ءبىر جىل بۇرىنعىعا قاراعاندا التى پايىزعا كوپ. سالىستىرۋ ءۇشىن: 2019 -جىلى 2018 -جىلعا قاراي تۋىلعاندار سانىنىڭ ءوسۋى تەك 1,3 پايىز بولعان.

قازاقستاندا بيىل ءبىرىنشى توقسانىنىڭ قورىتىندىسى بويىنشا حالىق سانى 18,94 ميلليون ادامعا جەتتى.

سوڭعى جاڭالىقتار