قازاقستاندىق سەناتورلار ت م د پ ا- نىڭ پلەنارلىق وتىرىسىنا قاتىستى

ءىس-شارا بارىسىندا پاندەميا كەزەڭىندە كوشى-قون پروتسەستەرىن زاڭمەن رەتتەۋ ماسەلەسى جانە وسى باعىتتا ت م د ەلدەرى پارلامەنتتەرىنىڭ ءرولى كەڭىنەن تالقىلاندى.

وتىرىستا ءسوز سويلەگەن ماۋلەن اشىمبايەۆ كوروناۆيرۋس ىندەتىنىڭ كوشى-قون پروتسەستەرىنە تيگىزگەن اسەرىنە توقتالىپ، قازاقستان بۇل سالاداعى پروبلەمالاردى شەشۋ ءۇشىن قانداي شارالار قابىلداعانىنا نازار اۋداردى.

ول COVID-19 پاندەمياسىنا توسقاۋىل قويۋ ءۇشىن قولعا الىنعان جاھاندىق شارالار حالىقارالىق كوشى-قوندى ايتارلىقتاي شەكتەگەنىن تىلگە تيەك ەتتى. سونىڭ سالدارىنان كوپتەگەن ەلدەر كۇردەلى ماسەلەمەن بەتپە بەت كەلىپ، ونى شەشۋ جولدارىن قاراستىرۋعا ءماجبۇر بولدى.

ءبىر جاعىنان، حالىقتى قورعاپ، ىندەتتىڭ تارالۋىن بولدىرماۋ ءۇشىن ازاماتتاردىڭ قوزعالىسىنا شۇعىل جانە تۇبەگەيلى شەكتەۋلەر قوي قاجەت بولدى. ەكىنشى جاعىنان، الدا وسىنداي شارالاردىڭ ەكونوميكالىق زاردابىن ازايتۋ مىندەتى تۇردى.

«قازاقستان COVID-19 ىندەتىنىڭ تارالۋىنا توسقاۋىل قويۋ ءۇشىن جالپى قابىلدانعان تاسىلدەرگە سۇيەنە وتىرىپ، قازاقستاندىقتاردىڭ، شەتەلدىكتەردىڭ جانە ازاماتتىعى جوق تۇلعالاردىڭ مەملەكەتتىك شەكارادان وتۋلەرىنە بايلانىستى ءبىرقاتار شەكتەۋلەردى قولعا الدى. شەتەل ازاماتتارىنا تۇسىنىستىك تانىتىپ، ءبىزدىڭ اۋماقتاعى شەتەلدىكتەردى ەلدە بولۋ مەرزىمىن بۇزعانى جانە ۋاقىتىندا قازاقستاننان شىقپاعانى ءۇشىن اكىمشىلىك جاۋاپكەرشىلىكتەن بوساتۋ جونىندە شارالار قابىلداندى.

ت م د- داعى سەرىكتەستەرىمىز - رەسەي، وزبەكستان، تاجىكستان، قىرعىزستان جانە كوشى-قون جونىندەگى حالىقارالىق ۇيىممەن بىرلەسىپ ارەكەت ەتۋدىڭ ناتيجەسىندە ءبىزدىڭ ەلىمىز ارقىلى 35 مىڭعا جۋىق شەتەل ازاماتى ترانزيتتى تۇردە وتكىزىلدى»، - دەدى ماۋلەن اشىمبايەۆ.

ول قازاقستاننىڭ داعدارىسقا قارسى قابىلداعان شارالارى تۋرالى ايتتى. ول مۇنداي كەزدە كەلىسىپ ارەكەت ەتۋ پاندەميانىڭ الەۋمەتتىك جانە ەكونوميكالىق سالدارىن تومەندەتەتىنىنە ەرەكشە نازار اۋدارىپ، ارىپتەستەرىن بۇدان دا تىعىز بايلانىس ورناتۋعا جانە جاڭا سىن-قاتەرلەرگە بىرگە قارسى تۇرۋعا شاقىردى. پلەنارلىق وتىرىس كەزىندە قاتىسۋشىلار ت م د- عا مۇشە مەملەكەتتەرگە ارنالعان ءبىرقاتار مودەلدىك زاڭداردى دا قارادى. سونداي-اق، وسى كۇنى ماۋلەن اشىمبايەۆ قىرعىز رەسپۋبليكاسى جوگوركۋ كەنەشىنىڭ ءتوراعاسى تالانت مامىتوۆپەن كەزدەستى. تاراپتار ەكىجاقتى كۇن تارتىبىندەگى وزەكتى ماسەلەلەردى جانە پارلامەنتارالىق ىنتىماقتاستىقتىڭ پەرسپەكتيۆالارىن تالقىلادى.

«جىل وتكەن سايىن ءبىزدىڭ ەلدەرىمىزدىڭ بايلانىسى قارقىندى دامىپ كەلەدى. بۇل رەتتە قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ ەرەن ەڭبەگىن ەرەكشە اتاپ وتكەن ءجون. ەلباسى باۋىرلاستىققا جانە تاتۋ كورشىلىككە نەگىزدەلگەن قارىم-قاتىناسىمىزدى نىعايتۋعا جانە دامىتۋعا ۇلكەن ۇلەس قوستى.

بۇگىندە مەملەكەت باسشىسى قاسىم- جومارت توقايەۆ قىرعىزستانمەن ىنتىماقتاستىقتى ودان ءارى ارتتىرۋعا باسا ءمان بەرىپ كەلەدى. ءبىز ەلدەرىمىز اراسىنداعى بايلانىستىڭ بارلىق سالادا، ونىڭ ىشىندە پارلامەنتارالىق باعىتتا دا كەڭەيە تۇسكەنىنە مۇددەلىمىز»، - دەدى سەنات سپيكەرى.

سونىمەن قاتار ماۋلەن اشىمبايەۆ مولدوۆا رەسپۋبليكاسى پارلامەنتىنىڭ ءتورايىمى زينايدا گرەچانىيمەن كەزدەستى.

كەزدەسۋ بارىسىندا ەكىجاقتى كۇن تارتىبىندەگى وزەكتى ماسەلەلەر ءسوز بولدى. ودان بولەك، تاراپتار پارلامەنتارالىق ىنتىماقتاستىقتى، ەكونوميكالىق سەرىكتەستىكتى جانە مادەني-گۋمانيتارلىق بايلانىستاردى نىعايتۋ ماسەلەلەرىن تالقىلادى.