توكيو وليمپياداسىنىڭ باسشىسى ويىنداردىڭ وتكىزىلمەۋ مۇمكىندىگىن جوققا شىعاردى

None
None
توكيو. Kyodo News- قازاقپارات - جۇما كۇنى توكيو وليمپياداسى ويىندارىن ۇيىمداستىرۋ كوميتەتىنىڭ باسشىسى سەيكو حاسيموتو جاپونيا استاناسى مەن ەلدىڭ وزگە جەرلەرىندە كوروناۆيرۋس جۇقتىرعاندار سانىنىڭ كۇرت وسكەنىنە قاراماستان ويىنداردىڭ وتكىزىلەتەتىنىن مالىمدەدى، دەپ حابارلايدى قازاقپارات Kyodo News اگەنتتىگىنە سىلتەمە جاساپ.

«مەن ويىنداردى وتكىزبەۋ تۋرالى ويلاعان جوقپىن. ءبىز قاۋىپسىزدىك بويىنشا شارالاردى قابىلداپ، وليمپيادا ويىندارىن وتكىزۋدى كوزدەپ وتىرمىز»، - دەدى حاشيموتو باسپا ءسوز ءماسليحاتىندا.

جاپونيادا COVID-19 ۆيرۋسىن جۇقتىرۋدىڭ تاۋلىكتىك كورسەتكىشى قايتا ءوسىپ كەلەدى. بۇل رەتتە دەنساۋلىق ساقتاۋ سالاسىنىڭ ساراپشىلارى كوروناۆيرۋستىڭ جاڭا نۇسقالارىنىڭ پايدا بولۋىنان تۋىنداعان ينفەكتسيالاردىڭ «ءتورتىنشى تولقىنى» ەلدىڭ مەديتسينا سالاسىنا ودان دا ۇلكەن جۇكتەمە سالىپ وتىرعانىن ەسكە سالىپ وتىر.

جاپونيا ۇكىمەتى مەن باسقا ۇيىمداستىرۋ ورگاندارى قازىردىڭ وزىندە توكيوداعى وليمپيادا جانە پاراليمپيادا ويىندارىن كورەرمەننىڭ قاتىسۋىنسىز وتكىزۋ شەشىمىن قابىلدادى. وليمپيادا ويىندارىنىڭ اشىلۋ سالتاناتىنا دەيىن 100 كۇننەن از ۋقىت قالدى، ال جاپونيادا ويىنداردى پاندەميا جاعدايىندا وتكىزۋ بويىنشا قوعامدىق قولداۋ تومەن بولىپ وتىر: Kyodo News- ءتىڭ تاياۋدا جۇرگىزگەن ساۋالناماسىندا رەسپوندەنتتەردىڭ 39,2 پايىزى ويىنداردى وتكىزبەۋ كەرەك ەكەنىن ايتسا، تاعى 32,8 پايىزى ولاردى كەيىنگە قالدىرۋ كەرەك دەگەن پىكىر قالدىرعان.

حاشيموتو ويىنداردىڭ ءساتتى ءوتۋى كوميتەتتىڭ سپورتشىلار مەن كورەرمەندەردىڭ قاۋىپسىزدىگىن قامتاماسىز ەتۋىنە بايلانىستى ەكەنىن اتاپ ءوتتى.


سوڭعى جاڭالىقتار