قادىر ءتۇنى مەشىتتەرگە جينالۋعا بولا ما

None
None
نۇر-سۇلتان. قازاقپارات - قازاقستان مۇسىلماندارى ءدىني باسقارماسى ءتوراعاسى، باس ءمۇفتي ناۋرىزباي قاجى تاعان ۇلى «قادىر ءتۇنى مەشىتتەرگە جينالۋعا بولا ما؟» دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.

ونىڭ ايتۋىنشا، مەشىت جۇمىسى وڭىرلەردىڭ قىزىل، سارى، جاسىل ايماقتاردا بولۋىنا تىكەلەي بايلانىستى.

«قازىرگى ۋاقىتتا پاندەمياعا بايلانىستى مەملەكەتىمىزدە قىزىل، سارى، جاسىل ايماقتار بار. قىزىل ايماقتاردا جاماعاتپەن ناماز وقۋ توقتاتىلعان. اللا قالاسا، ءوڭىرىمىز قادىر تۇنىنە دەيىن جاسىل ايماققا وتسە، ارينە جاماعاتپەن ناماز وقۋعا مۇمكىندىك الامىز. ال سارى ايماقتاعى مەشىتتەردە - بەس ۋاقىت جاماعاتپەن نامازعا رۇقسات بەرىلگەن، تاراۋىق نامازدارى قىسقا وقىلىپ جاتىر، جۇما نامازدارى وقىلىپ جاتقان جوق. ال جاسىل ايماقتاردا - تولىق جۇما نامازى، تاراۋىق نامازدارى وقىلىپ جاتىر»، - دەپ جاۋاپ بەردى باس ءمۇفتي نۇر-سۇلتان قالاسىنىڭ №1 -اۋرۋحاناسىندا وتكەن قايىرىمدىلىق شاراسىندا.

ايتا كەتەيىك، ق م د ب «زەكەت جانە قايىرىمدىلىق» قورى رامازان ايىنىڭ العاشقى جۇماسىندا «ومىرگە ءۇمىت سىيلا» اكتسياسىن وتكىزدى. قايىرىمدىلىق شاراسىندا №1 -اۋرۋحاناعا 3 وتتەگى كونتسەنتراتى، 30 دانا پۋلسوكسيمەتر، 30 دانا تىنىس الۋعا جابدىعى جانە 150 دانا ازىق-تۇلىك سەبەتى تابىستالدى. بيىلعى رامازان ايى 13 -ساۋىردە باستالدى. ال مامىر ايىنىڭ 8 ىنەن 9 ىنا قاراعان ءتۇنى قادىر ءتۇنى وتەدى.

سوڭعى جاڭالىقتار