الماتىدا كەنەگە قارسى كۇرەس باستالدى

وسى شارا اياسىندا قالانىڭ 8 اۋدانى بويىنشا 2402,54 گەكتار جەردى الىپ جاتقان 9 ورمان پاركى، 136 قالالىق ساياباق، سكۆەرلەردە وڭدەۋ جۇمىستارى جۇرگىزىلەدى. 2021 -جىلعى 14-ساۋىردەگى جاعداي بويىنشا وڭدەلگەن ۋچاسكەلەردىڭ اۋدانى 497,630 گەكتار قۇرادى، ونىڭ ىشىندە:

- الاتاۋ اۋدانىنىڭ ساياباقتارى مەن سكۆەرلەرى -2,930 گەكتار؛

- المالى اۋدانىنىڭ ساياباقتارى مەن سكۆەرلەرى - 46,700 گەكتار؛ - «مەدەۋ» تابيعي پاركىندە 8 ۋچاسكىدە - 448,000 گەكتار (وڭدەۋ جالعاسۋدا).

دەزينفەكتسيالىق ءىس- شارالاردى «الماتى قالاسى بويىنشا دەزينفەكتسيا ورتالىعى» شجق رمك فيليالى قالانىڭ سانيتارلىق- ەپيدەميولوگيالىق باقىلاۋ ماماندارىنىڭ تىكەلەي باقىلاۋىمەن جۇرگىزەدى. قۇرىلعان دەزبريگەكتاردالار قاجەتتى جابدىقتارمەن، كولىكپەن، جەكە قورعانىس قۇرالدارىمەن جابدىقتالعان. كەنەگە قارسى ەم جۇرگىزۋ ءۇشىن «سيپەرمەترين» ينسەكتيسيد- اكاريتسيدتى پرەپاراتى پايدالانىلادى.

وڭدەۋ جۇمىستارى تاڭەرتەڭ جۇرگىزىلەدى. وڭدەۋگە جاتاتىن ۋچاسكىلەردىڭ شەكارالارىندا «كەنەگە قارسى وڭدەۋ جۇرگىزىلۋدە!» دەگەن ەسكەرتۋ حابارلاماسى بار تاقتاي ورناتىلادى. قالا تۇرعىندارى كەلەسى ساقتىق شارالارىن ساقتاۋى كەرەك:

- كەنەگە قارسى دەزينسەكتسيالىق وڭدەۋ جۇمىستارى جۇرگىزىلگەن جەرلەردەن الشاق ءجۇرۋ كەرەك؛ - جەردەگى شاشىراتقان پرەپارات كەپكەنگە دەيىن ءۇي جانۋارلارىن وڭدەۋ جۇمىستارى جۇرگىزىلگەن جەرلەرگە جىبەرمەۋ كەرەك؛

- وڭدەۋ جۇمىستارى جۇرىزىلگەن جەرلەردەن 40 كۇن بويى ساڭىراۋقۇلاق، ءشوپ نەمەسە جيدەكتەردى جيناۋعا جانە پايدالانۋعا بولمايدى («سيپەرمەترين» پرەپارتىنىڭ قولدانۋ نۇسقاۋلىعىنا سايكەس). الماتى جانە الماتى وبلىسىنىڭ ىرگەلەس اۋماقتارى كەنە ەنسەفاليتىنىڭ تاسىمالداۋشىسى يكسود كەنەلەرى تارالعان ەندەميالىق ايماققا جاتادى.

اۆتور: الما مۇقانوۆا