بەلگىلى اقىن ەسەنعالي راۋشانوۆ ومىردەن ءوتتى

«قادىرلى اعايىن! قازاقتىڭ اسا كورنەكتى اقىنى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى ەسەنعالي راۋشانوۆتان ايىرىلىپ قالدىق. اللا الدىنان جارىلقاسىن. اسىل رۋحى بەيىشتىڭ تورىندە شالقىسىن»، - دەپ جازدى ول.

ەسەنعالي ءابدىجاپپار ۇلى راۋشانوۆ 1957 -جىلى 5-قازاندا قاراقالپاقستاندا دۇنيەگە كەلگەن. بەلگىلى اقىن، ق ر مەملەكەتتىك سىيلىعىنىڭ لاۋرەاتى، «پاراسات» جانە «قۇرمەت» وردەندەرىنىڭ يەگەرى.

1983- 1987 -جىلدارى «جالىن» جانە «اراي» جۋرنالدارىندا پوەزيا ءبولىمىنىڭ مەڭگەرۋشىسى، جاۋاپتى حاتشى، 1988- 1995 -جىلدارى « ءبىلىم جانە ەڭبەك» («زەردە») جۋرنالىنىڭ باس رەداكتورى قىزمەتىن اتقاردى.

«جازۋشى» باسپاسىنىڭ ديرەكتورى بولدى. بەلگىلى قالامگەردىڭ «باستاۋ» (1980)، «كەلىنتوبە» (1984)، «شولپان جۇلدىز تۋعانشا» (1986)، «عايشا ءبيبى» (1992)، «قارا باۋىر قاسقالداق» (1995)، «پەرىشتەلەر مەن قۇستار» (2005)، «بوزاڭعا بىتكەن بوزجۋسان» (2006)، «قۇستار ءبىزدىڭ دوسىمىز» (2007) سەكىلدى ءبىرقاتار جىر جيناقتارى جارىق كورگەن.