وسكەمەن مەن سەمەيدەگى ايالدامالاردا پوليتسەيلەر كەزەكشىلىك ەتۋدە

None
None
وسكەمەن. قازاقپارات - وسكەمەن مەن سەمەي قالالارىنداعى قوعامدىق كولىك ايالدامالارىندا پوليتسيا قىزمەتكەرلەرى كەزەكشىلىك ەتۋدە، دەپ حابارلايدى قازاقپارات ءتىلشىسى.

بۇل جايلى شىعىس قازاقستان وبلىسىنىڭ اكىمى دانيال احمەتوۆ Instagram جەلىسىندەگى جەكە پاراقشاسىندا جازدى.

«وسكەمەن مەن سەمەيدەگى اۆتوبۋس ايالدامالارىندا پوليتسيا قىزمەتكەرلەرى جۇمىس ىستەۋدە. ءبىر اپتا ىشىندە ولار ازاماتتاردان سىپايى تۇردە ماسكا تاعۋدى سۇرايدى. قالا، اۋدان اكىمدەرىمەن، باس دارىگەرلەرمەن، سانيتارلىق- ەپيدەميولوگيالىق قىزمەت جانە پوليتسيا باسشىلارىمەن وتكىزىلگەن جيىن بارىسىندا كارانتين تالاپتارىنىڭ ساقتالۋىن باقىلاۋدى كۇشەيتۋدى تاپسىردىم» ، - دەيدى ايماق باسشىسى. ونىڭ ايتۋىنشا، سوڭعى ەكى اپتادا اياگوز اۋدانىندا كوروناۆيرۋس ينفەكتسياسىن جۇقتىرۋ كورسەتكىشى وسكەن.

«تالداۋ كورسەتكەندەي، 14 كۇن ىشىندە تىركەلگەن 43 جاعدايدىڭ 39 ىندا ۆيرۋس سىرتتان اكەلىنگەن. قاۋىپتى دەرت «KAZ Minerals اقتوعاي» ج ش س- نە جۇمىسقا كەلگەن باسقا ءوڭىر تۇرعىندارىنان انىقتالدى. وسىعان بايلانىستى كاسىپورىن باسشىلىعىنا جاعداي تۇراقتالعانعا دەيىن ءبىرقاتار وبلىستاردان ادامداردى اكەلۋدى توقتاتۋ قاجەتتىلىگى تۋرالى حات جولدانباق»، - دەدى دانيال احمەتوۆ.

سوڭعى جاڭالىقتار