قازاقستاندا «كيىك» تابيعات قورعاۋ اكسياسى باستالدى
ءىس- شارانىڭ باستاماشىلارى ەكولوگيا، گەولوگيا جانە تابيعي رەسۋرستار، ىشكى ىستەر مينيسترلىكتەرى جانە ۇلتتىق قاۋىپسىزدىك كوميتەتى. اتالعان ۆەدومستۆو باسشىلارى «كيىك» تابيعاتتى قورعاۋ اكسياسىن وتكىزۋ تۋرالى» بىرلەسكەن بۇيرىققا قول قويدى. اكسيانىڭ ماقساتى لاكتاتسيا كەزەڭىندە كيىكتەردى قورعاۋدى كۇشەيتۋ، سونداي- اق ەل اۋماعىندا تابيعاتتى قورعاۋ زاڭناماسىن بۇزۋدىڭ جولىن كەسۋ بويىنشا بىرلەسكەن ءىس- شارالاردى ۇيىمداستىرۋ بولىپ تابىلادى. بۇيرىق شەڭبەرىندە اكسيانى وتكىزۋ كەزىندە قۇقىق قورعاۋ جانە تابيعات قورعاۋ ورگاندارىنىڭ ءوزارا ءىس- قيمىلى جونىندەگى ۇيلەستىرۋ شتابى، سونداي- اق بىرلەسكەن ءىس- قيمىل جوسپارى بەكىتىلدى.
«اكسيا بارىسىندا قۇقىق قورعاۋ ورگاندارىمەن بىرلەسىپ كيىك مۇيىزدەرىنىڭ زاڭسىز اينالىمىنا قارسى ءىس- قيمىل جانە ولاردى ەلدەن تىس جەرلەرگە شىعارۋ بويىنشا شارالار كۇشەيتىلەتىن بولادى»، - دەلىنگەن حابارلامادا.