سەرىك شاپكەنوۆ ەڭبەك جانە حالىقتى الەۋمەتتىك قورعاۋ ءمينيسترى قىزمەتىنە تاعايىندالدى

None
None
نۇر- سۇلتان. قازاقپارات - پرەزيدەنت جارلىعىمەن ەڭبەك جانە حالىقتى الەۋمەتتىك قورعاۋ ءمينيسترى قىزمەتىنە سەرىك جامبىل ۇلى شاپكەنوۆ تاعايىندالدى، دەپ حابارلايدى قازاقپارات.

سەرىك جامبىل ۇلى 1979 -جىلى 29 - شىلدەدە باتىس قازاقستان وبلىسى قاراتوبە اۋدانى قاراتوبە اۋىلىندا دۇنيەگە كەلگەن. 2000 -جىلى م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن جوعارعى كاسىبي ءبىلىمدى ەكونوميست- ماتەماتيك ماماندىعى بويىنشا ءتامامداعان. 2000 -جىلى باتىس قازاقستان مەملەكەتتىك ۋنيۆەرسيتەتىندە وقىتۋشى بولىپ باستاعان.

2001 -جىلدان - باتىس قازاقستان وبلىستىق قورشاعان ورتانى قورعاۋ قورىنىڭ جەتەكشى مامانى. 2002 -جىلدىڭ ماۋسىمىنان - باتىس قازاقستان قارجى باسقارماسىنىڭ جەتەكشى مامانى، 2003 -جىلدان - باس مامانى.

2006 -جىلدىڭ قاڭتارىنان – ب ق و ەكونوميكا جانە بيۋدجەتتىك جوسپارلاۋ دەپارتامەنتى شىنايى سەكتوردى دامىتۋ ءبولىمىنىڭ باستىعى. 2006 -جىلدىڭ ناۋرىزىنان – ب ق و اۋىل شارۋاشىلىعى دەپارتامەنتى اكىمشىلىك ءبولىمىنىڭ باستىعى.

2007 -جىلدىڭ قاڭتارىنان – ب ق و اۋىل شارۋاشىلىعى دەپارتامەنتى ديرەكتورىنىڭ ورىنباسارى. 2007 -جىلدىڭ قازانىنان – ب ق و ەكونوميكا جانە بيۋدجەتتىك جوسپارلاۋ دەپارتامەنتى باستىعىنىڭ ورىنباسارى.

2009 -جىلدىڭ قىركۇيەگىنەن - باتىس قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باستىعى. 2014 -جىلدان – ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ- اۋماقتىق جۇمىس ءبولىمىنىڭ مەملەكەتتىك ينسپەكتورى.

2016-2018 -جىلدارى - اتىراۋ قالاسىنىڭ اكىمى. اتىراۋ وبلىسى اكىمىنىڭ ورىنباسارى (2018-2020). 2020 -جىلدىڭ ماۋسىم ايىنان بەرى ەڭبەك جانە حالىقتى الەۋمەتتىك قورعاۋ ۆيتسە- ءمينيسترى قىزمەتىن اتقارىپ كەلگەن. «نۇر وتان» پارتياسىنىڭ مۇشەسى (2005 -جىلدان).

سوڭعى جاڭالىقتار