اۋىر حالدە جانساقتاۋ بولىمىنە تۇسكەن مەيرامبەك بەسبايەۆتىڭ جاعدايى جاقساردى

None
None
الماتى. قازاقپارات - الماتىدا كوروناۆيرۋسقا شالدىعىپ، جانساقتاۋ بولىمىنە تۇسكەن «مۋزارت» توبىنىڭ ءانشىسى مەيرامبەك بەسبايەۆتىڭ بەتى بەرى قارادى، دەپ حابارلايدى قازاقپارات ءتىلشىسى.

الماتىداعى № 7 قالالىق كلينيكالىق اۋرۋحاناسىنىڭ باسپا ءسوز قىزمەتى ءمالىم ەتكەدەي، قازاقستاندىق ءانشى مەيرامبەك بەسبايەۆتىڭ جاعدايى وڭالىپ كەلەدى.

«ناۋقاس 16 - قاڭتار كۇنى №7 قالالىق كلينيكالىق اۋرۋحاناسىنا جەدەل جاردەم بريگاداسىمەن اۋىر حالدە جەتكىزىلدى. بىردەن جانساقتاۋ بولىمىنە جاتقىزىلدى. وندا ول ءبىر كۇن بولدى، جاعدايى تۇراقتالعاننان كەيىن پالاتاعا اۋىستىرىلدى. بارلىق قاجەتتى ساراپتامالار جاسالىپ، ول ق ر دەنساۋلىق ساقتاۋ مينيسترلىگىنىڭ حاتتاماسى بويىنشا ەم قابىلداپ جاتىر. جاعدايى تۇراقتى» دەپ حابارلادى اۋرۋحانانىڭ باسپا ءسوز قىزمەتى.

اۋرۋحانانىڭ شتاتتان تىس باس ينفەكسيونيسىنىڭ كەلىسىمى بويىنشا ول COVID-19 ناۋقاستارىنا ارنالعان جاڭا اۋرۋحاناعا اۋىستىرىلادى. بۇعان دەيىن قازاقستاننىڭ ەڭبەك سىڭىرگەن قايراتكەرى، «مۋزارت» توبىنىڭ ءانشىسى مەيرامبەك بەسبايەۆتىڭ كوروناۆيرۋسپەن اۋرۋحاناعا تۇسكەنىن حابارلاعان بولاتىنبىز.

اۆتور: الما مۇقانوۆا

سوڭعى جاڭالىقتار