16:02, 18 - قاڭتار 2021 | GMT +6
ۇڭگىر ادامىنىڭ ءمۇسىنى ا ق ش تۇرعىندارىن تاڭعالدىردى
نۇر-سۇلتان. قازاقپارات – ا ق ش-تا ۇڭگىر ادامى بار جۇمباق مۇز ءمۇسىنى تابىلدى، - دەپ حابارلايدى Daily Mail سايتى.
ا ق ش- تىڭ ميننەاپوليس قالاسىنداعى ساياباقتان تابىلعان ءمۇسىن جەرگىلىكتى تۇرعىنداردى تاڭعالدىردى. ولار ونى بۇرىن پايدا بولعان مونوليتتەرمەن سالىستىرا باستادى.
الايدا، جۇمباق ءمۇسىننىڭ مونوليتتەردەن ايىرماشىلىعى ارت- وبەكت ەكەنىندە. ونى ساياباققا Leonic ءىس- شارالار بەزەندىرۋ كومپانياسى ورناتقان. مۇزعا ۇقساس پلاستيك قوراپقا سالىنعان سۋگ سۋگ اتتى ۇڭگىر ادامىن اگەنتتىك باسشىسى زاك شۋماك جاساعان.
«مەن كۇن سايىن ءوز قويمامدا ونى كورىپ، وسىنداي ونەر تۋىندىسىنىڭ بوسقا قالىپ بارا جاتقانىنا قىنجىلاتىنمىن. ونى ورماننىڭ ءبىر جەرىنە قويۋدى بۇرىننان ويلاپ جۇرگەن ەدىك»، - دەپ ءتۇسىندىردى ول.