ديماش ا ق ش پرەزيدەنتىن ۇلىقتاۋ سالتاناتىندا قازاقتىڭ حالىق ءانىن شىرقادى - ۆيدەو

وندا ديماش قۇدايبەرگەن قازاقتىڭ «سامالتاۋ» حالىق ءانىن ورىندادى، دەپ حابارلايدى قازاقپارات ءتىلشىسى dimashnews.com سايتىنىڭ باسپا ءسوز قىزمەتىنە سىلتەمە جاساپ.

ءداستۇر بويىنشا سالتاناتتى شارانى باۋىرلاس قالالاردىڭ حالىقارالىق قاۋىمداستىعى -Sister Cities International ۇيىمى وتكىزدى. كوروناۆيرۋس پاندەمياسىنا بايلانىستى بيىل شارا ونلاين- رەجيمدە ءوتتى. مەرەكەدە بەلگىلى سپيكەرلەر مەن ورىنداۋشىلار ءسوز سويلەدى. ولاردىڭ ىشىندە: گۋبەرناتور بيلل انابۋتتي، دجوزەفينا بيۆەرس، گەنەرال- مايور ارماندو كابادا، كونگرەسسمەن ەلەونورا حولمس نورتون، مايور تيم كەللەر، سەناتور بوب مەنەندەز، ا ق ش تەڭىز وركەسترى، كەرول روبەرتسون لوپەز جانە تاعى باسقالار بار. ديماش SCI وكىلدەرىنە شاقىرعاندارى ءۇشىن العىسىن ءبىلدىردى. Sister Cities International باس ديرەكتورى لەروي اللالا ءوز كەزەگىندە قازاقستاندىق ورىنداۋشىنىڭ شىعارماشىلىعى ادامداردى، ولاردىڭ مادەنيەتى مەن ءتىلىن بىرىكتىرەتىنىن اتاپ ءوتتى.

مۇنىڭ ءبارى پرەزيدەنت ەيزەنحاۋەردىڭ ەلدەر اراسىندا بەيبىت قارىم-قاتىناس ورناتۋ تۋرالى كوزقاراسىنىڭ اجىراماس بولىگى. سونىمەن قاتار ديماشتىڭ 20-قاڭتاردا Sister Cities International رەسمي سايتىندا تاعى ءبىر ءان ورىنداۋى كورسەتىلەتىندىگى جاريالاندى.

ءبىر اپتاعا سوزىلاتىن مەرەكەلەردىڭ ورتاسىندا DimashNews رەداكسياسى SCI باس ديرەكتورى لەرو اللالمەن كەزدەسۋگە مۇمكىندىك بەردى، ونىڭ ۇيىمى وتكىزەتىن سالتاناتتى ءىس-شارا تۋرالى كوبىرەك بىلۋگە مۇمكىندىك الدى.

اۆتور: ايان بەكەن ۇلى