20:45, 01 - قازان 2020 | GMT +6
كارانتيندى جەڭىلدەتۋ شارالارى ەنگىزىلمەيدى - مينيستر
نۇر-سۇلتان. قازاقپارات - ۆەدومستۆوارالىق كوميسسيا شەشىمىنەن كەيىن كارانتيندى جەڭىلدەتۋ بولمايدى.
بۇل تۋرالى ق ر دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.
ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ۆەدومستۆوارالىق كوميسسيانىڭ وتىرىسىنان كەيىن كارانتيندى جەڭىلدەتۋ نەمەسە قاتاڭداتۋ مۇمكىندىگى تۋرالى سۇرالدى.
«وسى كەزەڭدە جەڭىلدەتۋ شارالارى بولمايدى. بۇگىن ايتىلعانداي، اۋە ساپارى مەن شەكارادان وتۋگە قاتىستى جەكەلەگەن شارالار كورسەتىلەدى»، - دەدى ا. سوي.
بۇدان بۇرىن حابارلانعانداي، 5- قازاننان باستاپ اۋە قاتىناسى جاڭارتىلعان بارلىق ەلدەرگە اۋە قاتىناسىن توقتاتۋ جانە رەيس سانىن كوبەيتپەۋ، تۇركياعا ۇشاتىن رەيس سانىن ازايتۋ تۋرالى شەشىم قابىلداندى.