نۇرسۇلتان نازاربايەۆ ىشكى ىستەر ءمينيسترىن قابىلدادى
كەزدەسۋدە قاۋىپسىزدىك كەڭەسىنىڭ ءتوراعاسىنا كارانتين كەزەڭىندە ەلدە قۇقىقتىق ءتارتىپتى قامتاماسىز ەتۋ بويىنشا قابىلدانعان شارالار، سونداي- اق جەكە قۇرامدى ەپيدەميادان قورعاۋ جونىندە مالىمەت بەرىلدى.
سونىمەن قاتار نۇرسۇلتان نازاربايەۆقا ىشكى ىستەر ورگاندارىنىڭ حالىقپەن ءوزارا ءىس- قيمىلىن جاقسارتۋ، ولاردىڭ جۇمىسىنىڭ اشىقتىعىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى اقپارات ۇسىنىلدى.
- مەملەكەتتىك ورگانداردىڭ قوعام ۇدەسىنەن شىعا بىلگەنى ءجون. جۇرتشىلىقپەن تىكەلەي ديالوگ ورناتىپ، ازاماتتارمەن كەرى بايلانىستى جاقسارتۋ ءۇشىن قازىرگى «پلاتفورمالاردىڭ» جۇمىس فورماتىن قايتا قاراۋ قاجەت. باستى ماقسات - حالىقتىڭ قۇقىق قورعاۋ جۇيەسىنە دەگەن سەنىمىن جانە ونىڭ قىزمەتىنىڭ تيىمدىلىگىن ارتتىرۋ، - دەدى ەلباسى.
قاۋىپسىزدىك كەڭەسىنىڭ ءتوراعاسى پرەزيدەنتتىڭ جەرگىلىكتى پوليتسيا قىزمەتىن ودان ءارى رەفورمالاۋ جانە ەلدەگى قۇقىقتىق ءتارتىپتى قامتاماسىز ەتۋ جونىندەگى تاپسىرمالارىن ساپالى ورىنداۋدىڭ ماڭىزدىلىعىن اتاپ ءوتتى.