توقايەۆ ۇلتتىق بانككە ەلدىڭ قارجى تۇراقتىلىعىن قامتاماسىز ەتۋدى جۇكتەدى

None
None
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ۇلتتىق بانك ءتوراعاسى ەربولات دوسايەۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسىنا بيىلعى 9 اي ىشىندەگى اقشا- كرەديت ساياساتىن ىسكە اسىرۋدىڭ الدىن الا قورىتىندىلارى، ۇلتتىق بانكتەگى التىنۆاليۋتا رەزەرۆتەرىنىڭ جاي- كۇيى جانە ۇلتتىق قوردىڭ اكتيۆتەرى تۋرالى باياندالدى.

پرەزيدەنتكە ۇلتتىق بانكتىڭ قاراجاتى ەسەبىنەن قارجىلاندىرىلاتىن داعدارىسقا قارسى باستامالاردىڭ ورىندالۋ بارىسى جونىندە مالىمەت بەرىلدى.

ەربولات دوسايەۆ 2020 -جىلدىڭ سوڭىنا دەيىنگى جانە 2021 -جىلعا ارنالعان قازاقستاننىڭ ەكونوميكالىق دامۋىنا قاتىستى بولجامىن ۇسىندى.

كەزدەسۋ قورىتىندىسى بويىنشا مەملەكەت باسشىسى ەلدىڭ قارجى تۇراقتىلىعىن قامتاماسىز ەتۋ جونىندە ءبىرقاتار ناقتى تاپسىرما بەردى.

سوڭعى جاڭالىقتار