تولەنبەگەن نەسيەسىن وتەگەندەرگە قارىز شارتتارىن قايتا قاراۋ ۇسىنىلدى

«1- تامىزدا جەكە تۇلعالاردىڭ نەسيە پورتفەلى 6,8 تريلليون تەڭگەگە جەتتى. ونىڭ ىشىندە تۇتىنۋشىلىق نەسيە پورتفەلى 4,15 تريلليون تەڭگە بولدى. اگەنتتىكتىڭ قولعا العان شارالارىنىڭ ارقاسىندا تۇتىنۋشىلىق نەسيە پورتفەلى 61 ميلليارد تەڭگەگە، ياعني % 1,4- عا ازايدى. تولەم مەرزىمى ءوتىپ كەتكەن نەسيە دەڭگەيى % 7- عا ازايدى»، - دەدى بريفينگ بارىسىندا اگەنتتىك ءتوراعاسىنىڭ ورىنباسارى نۇرلان ءابدىراحمانوۆ.

ونىڭ ايتۋىنشا، پاندەميا كەزىندەگى كۇردەلى ەكونوميكالىق احۋال كەسىرىنەن كوپتەگەن نەسيە يەلەرى قارىزىن وتەي الماعان.

«ق ر پرەزيدەنتىنىڭ تاپسىرماسىنا بايلانىستى اگەنتتىك نەسيە يەلەرىن وڭالتۋ شارالارىن قولعا الدى. بۇل زاڭدى شارا مەرزىمى ءوتىپ كەتىپ تولەنبەگەن نەسيەسى بار ازاماتتارعا جانە مەرزىمى وتكەن نەسيەلەرىن وتەگەن ازاماتتارعا قارىز شارتتارىن قايتا قاراۋدى ۇسىنادى. بۇل ءوز كەزەگىندە جاعىمسىز نەسيە تاريحى بار تۇتىنۋشىلاردىڭ بانكتەن تىس سەكتورعا كەتپەۋىن قامتاماسىز ەتەدى، ولاردىڭ بانك ونىمدەرىنە قولجەتىمدىلىگىن ارتتىرادى»، - دەدى سپيكەر.

بۇعان دەيىن نۇرلان ءابدىراحمانوۆ مەملەكەت باسشىسىنىڭ تاپسىرماسى اياسىندا اتقارىلىپ جاتقان جۇمىستار تۋرالى ايتقان بولاتىن.

اۆتور: گۇلميرا عوسمانالي