رۋسلان دالەنوۆ پرەزيدەنتكە ەكونوميكالىق ءوسىمدى قالپىنا كەلتىرۋ جايىندا باياندادى

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ۇلتتىق ەكونوميكا ءمينيسترى رۋسلان دالەنوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

پرەزيدەنتكە ەكونوميكالىق ءوسىمدى قالپىنا كەلتىرۋگە جانە ازاماتتاردىڭ ءال- اۋقاتىن ارتتىرۋعا باعىتتالعان قازاقستاننىڭ جاڭا ەكونوميكالىق باعدارىنىڭ نەگىزگى قاعيدالارىن جۇزەگە اسىرۋ جايىندا باياندالدى.

قاسىم-جومارت توقايەۆقا ەكونوميكانى باسقاراتىن قۇرىلىمداردى جانە مەملەكەتتىك- جەكەمەنشىك سەرىكتەستىكتىڭ مەحانيزمدەرىن جەتىلدىرۋ، ينۆەستيتسيا تارتۋ شارالارى جونىندە مالىمەت بەرىلدى. سونىمەن قاتار الەۋمەتتىك نىساندار سالۋ جانە تۇرعىن ءۇي- كوممۋنالدىق سەكتوردى جاڭعىرتۋ ماسەلەلەرى ءسوز بولدى.

مەملەكەت باسشىسى اۋىلدىق جەرلەردى دامىتۋدىڭ پەرسپەكتيۆالارىنا، سونىڭ ىشىندە «اۋىل - ەل بەسىگى» جوباسىنا ەرەكشە نازار اۋداردى. وسى باستامانىڭ اياسىندا بەس جىل ىشىندە 3500 اۋىلدى جاڭعىرتۋ كوزدەلۋدە. پرەزيدەنت اۋىلدىق جەرلەردەگى ينفراقۇرىلىمنىڭ ساپاسىن قالالىق دەڭگەيدەگى ستاندارتقا جاقىنداتۋدى تاپسىردى.

كەزدەسۋ بارىسىندا ميكرو جانە شاعىن بيزنەستى تەكسەرۋگە جاريالانعان موراتوريي ءۇش جىل ىشىندە 100 مىڭعا جۋىق تەكسەرىس جۇرگىزۋدى بولدىرماۋعا مۇمكىندىك بەرەتىنى اتاپ ءوتىلدى. بۇل بيزنەستى رەتكە كەلتىرۋ ءىسىنىڭ جاڭا پاراعىن اشۋعا وڭ ىقپال ەتەدى.

قاسىم-جومارت توقايەۆ مينيسترگە بيزنەس جۇرگىزۋ ءىسىن رەتتەۋدى جانە سالىق سالۋدى جەڭىلدەتۋ جونىندە ءبىرقاتار تاپسىرما بەردى.


سوڭعى جاڭالىقتار