15:40, 01 - قازان 2020 | GMT +6
قازاقستاننىڭ ءتورت وبلىسىندا قۇس تۇماۋى توقتادى
نۇر-سۇلتان. قازاقپارات - اقتوبە، جامبىل، قاراعاندى، تۇركىستان وبلىستارىندا جانە شىمكەنت قالاسىندا قۇس تۇماۋىنان قۇستىڭ قىرىلۋ جاعدايى توقتادى، دەپ حابارلايدى قازاقپارات ءتىلشىسى.
«تاۋلىك بويىنشا كورسەتكىشتەر قۇس ءولىمى قارقىنىنىڭ تومەندەگەنىن كورسەتىپ وتىر. ماسەلەن، سوڭعى تاۋلىكتە تۇركىستان، جامبىل، اقتوبە، قاراعاندى وبلىستارىندا، شىمكەنت قالاسىندا قۇس تۇماۋىنان قۇستاردىڭ قىرىلۋ جاعدايى توقتادى. سونىمەن قاتار، سقو، پاۆلودار جانە قوستاناي وبلىستارىندا دا بۇل كورسەتكىش ازايىپ كەلەدى»، - دەدى ق ر ا ش م ۆەتەرينارلىق باقىلاۋ جانە قاداعالاۋ دەپارتامەنتىنىڭ باسشىسى مىندەتىن اتقارۋشى تۇرسىن قابدولدانوۆ و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا جالپى، قۇس ءولىمى قازاقستاننىڭ 7 وبلىسىنىڭ 41 اۋدانىنىڭ 99 ەلدىمەكەنىندە تىركەلگەن. جەكە اۋلالاردا 23854 قۇس قىرىلعان. ال ەكى قۇس فابريكاسىنداعى ولگەن قۇستىڭ جالپى سانى 330 مىڭ باستان اسپايدى.