نۇر-سۇلتان پوليتسياسى ينتەرنەت- الاياقتاردىڭ جاڭا ءادىسىن اشكەرەلەدى

ەلوردالىق پوليتسيا دەپارتامەنتى باسپا ءسوز قىزمەتىنىڭ مالىمەتتەرىنە قاراعاندا، الاياقتىق ارەكەت مىنانداي جولمەن جۇزەگە اسىرىلادى. وڭاي ولجاعا كەنەلگىسى كەلەتىندەر جىمىسقى ارەكەتىن جۇزەگە اسىرۋ ءۇشىن ينتەرنەتتە تاۋار ساۋدالاۋشىلاردىڭ بىرىمەن مەسسەندجەر ارقىلى حابارلاسىپ، ءوزىن تاۋار ساتىپ العىسى كەلەتىن ادام رەتىندە تانىستىرادى. بۇدان سوڭ ولار تاۋاردى ساتىپ الاتىنىن ايتىپ، اقشاسىن تولەۋ ءۇشىن سىلتەمە جىبەرەدى. ال ساتۋشى تاۋارىنىڭ اقشاسىن الۋ ءۇشىن سول سىلتەمەنى باسۋى كەرەك.

ءبىر قاراعاندا ەشقانداي كۇدىك تۋدىرمايتىن سىلتەمە ونى شەرتكەن كەزدە تاۋار ساۋدالاۋشىنى فيشينگتىك سايتقا وتكىزەدى. بۇل سايتتا انكەتا تولتىرىپ، وندا بانك كارتاسىنىڭ ءنومىرى، CVV كودى، ج س ن تەرىپ، اقشانىڭ اۋدارىلۋىن كۇتۋ ۇسىنىلادى.

الايدا، رەكۆيزيتتەردى تولتىرىپ بولعان سوڭ، الاياقتار ساتۋشىنىڭ بانك كارتوچكاسىنداعى بار اقشانى ءبىر ساتتە شەشىپ الادى. ارتىنان سايت جابىلىپ، ەشقانداي ءىز قالمايدى.

اتالعان فاكتى نەگىزىندە ق ر قىلمىستىق كودەكسىنىڭ 190-بابى بويىنشا قىلمىستىق ءىس قوزعالدى. سوڭعى ايدىڭ ىشىندە وسىنداي فاكتىلەر بويىنشا پوليتسياعا شامامەن 15 ءوتىنىش كەلىپ تۇسكەن.

ەلوردادا وسىنداي الاياقتىق جولمەن اقشا ۇرلاعان 23 جاستاعى ەر ادام ۇستالدى. وعان قاتىستى بەس قىلمىستىق ءىس قوزعالىپ، سوت الدىنداعى تەرگەۋ امالدارى جۇرگىزىلىپ جاتىر.

«نۇر-سۇلتان قالاسىنىڭ پوليتسيا دەپارتامەنتى ازاماتتاردى قىراعىلىق تانىتىپ، تەك تەكسەرىلگەن ينتەرنەت- رەسۋرستارعا سەنىم ءبىلدىرۋدى، جاڭا قىزمەت تۇرلەرىن تەك رەسمي ينتەرنەت- سايتتار نەمەسە كولل- ورتالىقتار ارقىلى تەكسەرۋىن سۇرايدى. سونداي-اق، بەيتانىس ادامدارعا بانك كارتالارىنىڭ رەكۆيزيتتەرى مەن CVV كودىن ايتپاعان ءجون. وسىنداي جاعدايدا شۇعىل تۇردە بانكپەن حابارلاسىپ، بانك وپەراتسيالارى مەن كارتالاردى بۇعاتتاپ، پوليتسياعا حابارلاسۋ كەرەك» - دەلىنگەن پوليتسيانىڭ حابارلاماسىندا.