باس پروكۋراتۋرا قورداي وقيعاسى بويىنشا شىققان سوت ۇكىمىنە تۇسىنىك بەردى

باسپا ءسوز قىزمەتىنىڭ مالىمەتتەرىنە قاراعاندا، 29-قىركۇيەكتە بۇقارالىق اقپارات قۇرالدارى الماتى گارنيزونى اسكەري سوتىنىڭ قورداي اۋدانىندا بولعان جاپپاي تارتىپسىزدىكتەرگە قاتىسقان جەتى ادامدى سوتتالعانىن حابارلادى. الماتى گارنيزونى اسكەري سوتىنىڭ ۇكىمىمەن ۇرلىق جاساعاندارى جانە جاپپاي تارتىپسىزدىكتەرگە قاتىسقاندارى ءۇشىن اسكەري قىزمەتشى ۋ. اتانبايەۆ، سونداي- اق ا. تىلەۋعاليەۆ، ا. نۇراحانوۆ، ە. بۋرالكينوۆ، ر. بەجىباي، م. دۇيسەنبايەۆ جانە ب. يبراگيموۆ 3-تەن 9 جىلعا دەيىنگى مەرزىمگە باس بوستاندىقتارىنان ايىرىلدى.

بۇرىن تەرگەۋ بارىسىندا ۋ. اتانبايەۆقا جانە ونىڭ سىبايلاستارىنا قاتىستى ماتەريالدار ءىستىڭ اسكەري سوتقا جىبەرىلۋىنە بايلانىستى جەكە ءىس جۇرگىزۋگە بولەك الىنعان بولاتىن. سونىمەن قاتار 21 -شىلدەدە ارنايى پروكۋرورلار 51 ادامعا قاتىستى تەرگەۋدى اياقتادى. ولارعا بيىلعى جىلدىڭ اقپان ايىندا ماسانشى، بۇلار باتىر جانە اۋقاتتى اۋىلدارىندا بولعان وقيعالار بارىسىندا كۇش قولدانۋ، كىسى ءولتىرۋ، مۇلىكتى ورتەۋ جانە قيراتۋ، جاپپاي تارتىپسىزدىكتەرگە ارانداتۋ جانە بيلىك وكىلدەرىنىڭ تالاپتارىنا باعىنباۋ بويىنشا ايىپ تاعىلدى. قازىرگى ۋاقىتتا ايىپتالۋشىلار قىلمىستىق ءىس ماتەريالدارىمەن تانىسۋدا، سودان كەيىن ءىس سوتقا جولداناتىن بولادى.

«سونداي-اق بيىلعى جىلدىڭ ناۋرىز بەن تامىز ايلارى ارالىعىندا پوليتسەيلەرگە زورلىق- زومبىلىق كورسەتكەن اعايىندى ۆوينگۋيدىڭ (18-ناۋرىزدا 1,5 جىلعا باس بوستاندىعىنان ايىرىلدى) قۇداشبايەۆتارعا قاتىستى ادامدار توبىندا دەنساۋلىققا قاساقانا ورتاشا اۋىرلىقتاعى زيان كەلتىرگەندەرى جانە بۇزاقىلىق جاساعاندارى ءۇشىن اكەلى-بالالى يۋنحۋدىڭ (24-ساۋىردە ءارقايسىسى سايكەسىنشە 2,5 جىلعا باس بوستاندىعىنان ايىرىلدى جانە شەكتەلدى) 54 دانا «مولوتوۆ» كوكتەيلىن دايىنداعانى جانە تاسىمالداعانى ءۇشىن ر. ۆەيسەردىڭ (12-تامىزدا 3 جىلعا باس بوستاندىعىنان ايىرىلدى) سوتتالعاندارىن ەسكە سالامىز»، - دەلىنگەن حابارلامادا.

ەسكە سالا كەتسەك، بيىل بيىلعى جىلدىڭ 7-اقپانىندا قورداي اۋدانىنداعى ماسانچي اۋىلىندا جاپپاي توبەلەس بولدى.