الماتى اۋەجايىندا كوروناۆيرۋسقا تەكسەرۋ جۇمىستارى كۇشەيتىلەدى

None
None
الماتى. قازاقپارات - الماتى قالاسى اكىمىنىڭ ورىنباسارى ەرجان باباقۇماروۆ COVID-19 عا زەرتتەۋلەر جۇرگىزەتىن قالا زەرتحانالارىنىڭ باسشىلىعىمەن كەزدەستى، دەپ حابارلايدى قازاقپارات ءتىلشىسى.


جيىن الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشينمەن بىرلەسىپ وتكىزىلدى.

باستى ماقسات — زەرتحانالاردىڭ كوروناۆيرۋستىق ينفەكتسيانىڭ جاڭا تولقىنىنا دايىندىعىن تالقىلاۋ، قازىرگى جاعدايدى باعالاۋ جانە الداعى كەزەڭگە رەاگەنتتەر قورىن قامتاماسىز ەتۋ. بۇگىنگى كۇنى مەگاپوليس اۋماعىندا COVID-19-عا پوليمەرازدى تىزبەكتى رەاكتسيا (پ ت ر) ادىسىمەن تەكسەرەتىن 17 زەرتحانا بار. ونىڭ قۋاتتىلىعى تاۋلىگىنە ورتاشا ەسەپپەن 10 150.

ناۋرىز ايىنان باستاپ پتر ادىسىمەن 550 مىڭ زەرتتەۋ جۇرگىزىلدى. بولاشاقتا زەرتحانالاردا جۇرگىزىلەتىن زەرتتەۋلەردىڭ جالپى قۋاتىن تاۋلىگىنە 20 مىڭعا دەيىن ۇلعايتۋ جوسپاردا. الماتىدا كوروناۆيرۋسقا پ ت ر- زەرتتەۋلەر جۇرگىزەتىن 17 زەرتحانا:

مودۋلدىك زەرتحانا؛

- «پريۆات كلينيك الماتى» ج ش س؛

الماتى قالاسى بويىنشا «ۇ س و» فيليالى؛

- «وليمپ» ك د ز ج ش س؛

- سانيتارلىق- ەپيدەميالىق ساراپتاما جانە مونيتورينگ عىلىمي- پراكتيكالىق ورتالىعى؛

- 12 ي. جەكەنوۆا اتىنداعى ق ك ج ا ا؛ «ەl Lab PCR» ج ش س؛

- پەدياتريا جانە بالالار حيرۋرگياسى ۇ و ا ق؛

- «اكۆا لاب» ج ش س؛

- «ج ق ت ب- نىڭ الدىن الۋ جانە وعان قارسى كۇرەس جونىندەگى ورتالىعى» ش ج ق م ك ك»

- «Medical Partners Korea Qazaqstan» ج ش س؛

- م. ايقىمبايەۆ اتىنداعى اسا قاۋىپتى ينفەكتسيالار عىلىمي ورتالىعى؛

- «نۇرلاب-2030» ج ش س؛

- «innosol» ج ش س؛

- «يممۋنوتەست» ج ش س؛

- «گامما لاب» ج ش س؛

- م. ايقىمبايەۆ اتىنداعى اسا قاۋىپتى ينفەكتسيالار عىلىمي ورتالىعى «بيوتەحنولوگيا ۇلتتىق عىلىمي ورتالىعى».

پ ت ر جانە يفت زەرتتەۋلەر جۇرگىزۋ قۋاتىن ودان ءارى ارتتىرۋ مۇمكىندىگى بويىنشا زەرتحانا باسشىلارى تىڭدالدى. ەرجان باباقۇماروۆ كۇزگى- قىسقى كەزەڭدە قاجەتتىلىك ارتقان جاعدايدا پ ت ر تەستىلەۋىن ۇزدىكسىز جۇرگىزۋ ءۇشىن رەاگەنتتەردىڭ جەتكىلىكتى سانىن قامتاماسىز ەتۋ قاجەتتىگىنە نازار اۋداردى. سونىمەن بىرگە، شەتەلدەن جولاۋشىلار اعىنىنىڭ ىقتيمال ءوسۋىن ەسكەرە وتىرىپ، الماتى حالىقارالىق اۋەجايى اۋماعىندا جەدەل دياگنوستيكانى قامتاماسىز ەتۋدىڭ، كەلەتىن كونتينگەنتتى تەكسەرۋ بويىنشا جۇمىستى كۇشەيتۋدىڭ ماڭىزدىلىعى اتاپ ءوتىلدى. حالىقتى پ ت ر- دياگنوستيكالاۋ راسىمدەرىنىڭ اشىقتىعىن ارتتىرۋعا ەرەكشە نازار اۋدارىلدى. بۇعان دەيىن مەگاپوليس اۋماعىندا جۇقتىرۋ ستاتيستيكاسىندا قالا ماڭىنداعى ايماقتاردا دا اۋرۋ جاعدايلارى كورىنىس تاپقانى ايتىلعان بولاتىن. وسىلايشا، اقپاراتتىق جۇيەلەردى ينتەگراتسيالاۋ تەستىلەنەتىن قالا تۇرعىندارىن ەسەپكە الۋ تيىمدىلىگى مەن سىرقاتتانۋشىلىق ديناميكاسىن ارتتىرادى.


سوڭعى جاڭالىقتار