قىتاي كوروناۆيرۋسقا قارسى ۆاكسينانى ارزان باعاعا ساتپاق

ايتۋىنشا، قىتاي ەلىندەگى ۆاكتسينا ەۋروپالىق نەمەسە امەريكاندىق پرەپاراتتان قىمبات بولمايدى. ب ا ق وكىلدەرىنىڭ وسىعان قاتىستى ايتقان مالىمدەمەسى ەش نەگىزسىز ەكەن. سونداي- اق ديپلوماتتىڭ سوزىنشە، قازىر قىتاي جاڭا ءدارىنى جاساۋ مەرزىمىن مەيلىنشە جىلدامداتۋ ءۇشىن قولدان كەلگەننىڭ ءبارىن جاساپ جاتىر. زەرتتەۋ جۇمىستارى اياقتالىسىمەن جاڭا ءدارى بىردەن جاپپاي وندىرىسكە جىبەرىلمەك. الايدا ازىرگە ۆاكتسينانىڭ قۇنى قالاي تۇزىلەتىنى بەلگىسىز ەكەن. ايتا كەتەيىك، قازىرگى تاڭدا قىتايدا كوروناۆيرۋسقا قارسى 11 پرەپارات سىناقتان ءوتىپ جاتىر.

ۆان ۆەنبين، قىتاي سىرتقى ىستەر مينيسترلىگىنىڭ رەسمي وكىلى:

- قىتاي قاشان دا ءوز سوزىنە بەرىك. قازىرگى ۋاقىتتا الەمدە كوپتەگەن ەل ۆاكتسينا ازىرلەۋ ىسىمەن اينالىسىپ جاتىر. ءبىراق ونىڭ باعاسىن بەلگىلەۋ جاعى ءالى دە شەشىلگەن جوق. ءبىر ايتا كەتەرلىگى، قىتاي ءوز ۆاكتسيناسىن جاھاندىق قوعامدىق يگىلىك رەتىندە ۇسىنىپ، قولجەتىمدى باعامەن ساتادى. ءبىرىنشى كەزەكتە ول دامۋشى ەلدەرگە جەتكىزىلەدى.

www.24.kz