قوستانايدا «قىزىل كىتاپقا» ەنگەن قۇستى اتقان اڭشى ۇستالدى

None
None
قوستاناي. قازاقپارات - قوستاناي وبلىسىندا «قىزىل كىتاپقا» ەنگەن قۇستى اتقان جەرگىلىكتى تۇرعىنعا قاتىستى قىلمىستىق ءىس قوزعالدى، دەپ حابارلايدى قازاقپارات وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

قوستاناي وبلىسى پوليتسيا دەپارتامەنتى تابيعات قورعاۋ پوليتسياسىنىڭ قىزمەتكەرلەرى اڭ اۋلاۋ ماۋسىمىندا رەيدتەرتى كوبەيتەدى. كەزەكتى تەكسەرۋ شارالارى كەزىندە «قىزىل كىتاپقا» ەنگەن قۇستى اتۋ دەرەگى تىركەلدى.

«قامىستى اۋدانىنىڭ اۋماعىندا تابيعاتتى قورعاۋ پوليتسياسىنىڭ قىزمەتكەرلەرى ەرەكشە قورعاۋعا الىنعان قىزىل قازدى اتىپ ءولتىردى دەگەن كۇدىكپەن جەرگىلىكتى تۇرعىندى ۇستادى. سونداي- اق اڭشى سومكەسىنەن دالا ۇيرەگى مەن قىزىل ۇيرەكتىڭ تەرىسى تاركىلەندى. قازىرگى ۋاقىتتا قامىستى اۋداندىق پوليتسيا ءبولىمى «زاڭسىز اڭ اۋلاۋ» بابى بويىنشا قىلمىستىق ءىستى باستادى»، - دەدى قوستاناي وبلىسى پ د تابيعاتتى قورعاۋ پوليتسياسى بولىمشەسىنىڭ باستىعى تالعات احمەتوۆ.

قازىر وسى ءىس بويىنشا سوت- مەديتسينالىق، بيولوگيالىق، تراسسولوگيالىق، بالليستيكالىق ساراپتامالار تاعايىندالدى. سونىمەن قاتار مەملەكەتكە كەلتىرىلگەن شىعىن كولەمى ەسەپتەلۋدە.

سوڭعى جاڭالىقتار