قازاقتىڭ ونەرتاپقىش عالىمى تورەگەلدى شارمانوۆ التىن مەدالمەن ماراپاتتالدى

30-قىركۇيەكتە ەۋرازيالىق پاتەنتتىك ۇيىم «ونەرتاپقىشتىق جانە پاتەنتتىك ىسكە قوسقان ۇلەسى ءۇشىن» ۆيكتور بليننيكوۆ التىن مەدالىمەن مەديتسينا عىلىمدارىنىڭ دوكتورى، پروفەسسور، رەسەي عىلىم اكادەمياسىنىڭ جانە قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، ونەرتاپقىش تورەگەلدى شارمانوۆ جانە تاۋ-كەن جانە مۇناي سالاسىنداعى جەتىستىكتەرىمەن تانىمال Satbayev University ماراپاتتالدى.

«قازاقستان رەسپۋبليكاسىنىڭ ادىلەت مينيسترلىگى جانە KAZPATENT تورەگەلدى شارمان ۇلىن جانە Satbayev University قىزمەتكەرلەرىن لايىقتى ماراپاتتارىمەن قۇتتىقتاي وتىرا، زياتكەرلىك مەنشىك سالاسىنداعى كاسىبي قىزمەتىندە ساتتىلىك تىلەيدى»، - دەلىنگەن حابارلامادا.

ايتا كەتەيىك، ۆيكتور بليننيكوۆ اتىنداعى مەدالى ەۋرازيالىق پاتەنتتىك كونۆەنسياعا قاتىسۋشى مەملەكەتتەر ءۇشىن ونەرتاپقىشتىق قىزمەتكە جانە ونەرتابىستاردىڭ قۇقىقتىق قورعاۋىن دامىتۋعا ەلەۋلى ۇلەس قوسقان ادامدارعا بەرىلەدى.