وقۋشى قىز قۋاتتاعىشتا تۇرعان تەلەفوننان توق سوعىپ، مەرت بولدى

قايعىلى جاعداي جامبىل اۋدانىنداعى قارعالى اۋىلىنداعى ۇيلەردىڭ بىرىندە بولعان، دەپ حابارلايدى قازاقپارات ءتىلشىسى.

«قايعىلى جاعداي 26-قىركۇيەك كۇنى تۇنگى ساعات 22:00 شاماسىندا بولعان. توق سوعۋ سالدارىنان 15 جاستاعى تۇرعىن مەرت بولدى. الدىن الا بولجام بويىنشا، قىزدىڭ ۇيالى تەلەفونى قۋاتتاعىشتا تۇرعان. قازىر ارنايى ساراپتاما تاعايىندالدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

ەستەرىڭىزگە سالا كەتەيىك، وسىدان ءبىر جىل بۇرىن الماتى وبلىسىندا ۇيالى تەلەفونىن جانىندا ۇستاپ ۇيىقتاعان 9-سىنىپ وقۋشىسى قايتىس بولدى.

پوليتسيانىڭ اقپاراتىنا سايكەس، 14 جاستاعى قىزدى قۋاتتاعىشتا تۇرعان ۇيالى تەلەفوننان توق سوققان. سول كەزدە الماتى وبلىستىق پوليتسيا دەپارتامەنتىنىڭ باسپا ءسوز قىزمەتى 9-سىنىپ وقۋشىسىنىڭ قازاسىنا بايلانىستى قىلمىستىق ءىس قوزعالماعانىن جەتكىزدى. سەبەبى بۇل فاكتى وقىس وقيعا رەتىندە تىركەلگەن. ءبىراق قاراتال اۋدانىنداعى پوليتسيا بولىمىندەگىلەر ءتيىستى تەكسەرۋ جۇمىستارىن جۇرگىزگەن بولاتىن.

اۆتور: سامال قابىشەۆا