قۇرلىق اسكەرلەرىنىڭ اسكەري ينستيتۋتىنا ساعادات نۇرماعامبەتوۆتىڭ ەسىمى بەرىلدى
دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
ساعادات قوجاحمەت ۇلى نۇرماعامبەتوۆ - تاۋەلسىز قازاقستاننىڭ تۇڭعىش قورعانىس ءمينيسترى، كەڭەس وداعىنىڭ باتىرى، ەڭ العاشقى حالىق قاھارمانى. ول ەكىنشى دۇنيەجۇزىلىك سوعىس جىلدارىندا داڭقتى جاۋىنگەرلىك جولىن بەرليندە اياقتاعان. كەڭەس وداعى كەزىندە م. ي. فرۋنزە اتىنداعى اسكەري اكادەميانى بىتىرگەننەن كەيىن ول ءتۇرلى شتابتىق جانە كوماندالىق لاۋازىمداردا، ۆەنگرياداعى وڭتۇستىك توپ اسكەرلەرى قولباسشىسىنىڭ بىرىنشى ورىنباسارى قىزمەتتەرىن اتقاردى.
تاۋەلسىز قازاقستان ارمياسىنىڭ قالىپتاسۋى مەن دامۋىنىڭ الدىڭعى شەبىندە بولدى. بيىل اسكەري جوعارى وقۋ ورنى جارتى عاسىرلىق مەرەيتويىن اتاپ ءوتتى. وسى ۋاقىت ىشىندە قۇرلىق اسكەرلەرىنىڭ اسكەري ينستيتۋتى 13 مىڭنان استام وفيتسەردى دايارلاپ شىعاردى. ولاردىڭ ىشىندە 80 نەن استام تۇلەك قازاقستاندا دا، سونداي- اق شەت مەملەكەتتەر دە گەنەرال شەنىن يەمدەنگەن.