ەليزابەت تۇرسىنبايەۆا ۇزاق ۇزىلىستەن كەيىن جاتتىعۋعا قايتا كىرىستى

بۇل تۋرالى ول Olympic.kz سايتىنا بەرگەن سۇحباتىندا ايتتى. سونداي- اق، سپورتشى جاڭا ماۋسىمداعى باعدارلاماسى تۋرالى دا اڭگىمەلەدى.

«قازىرگى تاڭدا العاشقى جاتتىعۋلار قالىپتى، ءوز دارەجەسىندە ءوتىپ جاتىر. جاڭا ماۋسىمدا جاڭا باعدارلامانى جوسپارلاپ وتىرعان جوقپىن. مەنىڭ بىلۋىمشە، گران پري ۇلتتىق فورماتتا وتەدى جانە جارىستاعى ۇپايلار رەيتينگكە ەنگىزىلمەيدى. ال مەن گران- پريگە قاتىسپايمىن. وقۋىما قاتىستى ايتار بولسام، ماعان وتە ۇنايدى. كوپ جاڭا اقپاراتتار، سونىمەن قاتار، ءۇي جۇمىسى دا كوپ. ازىرگە بارىنە ۇلگەرىپ جاتىرمىن»، - دەيدى تۇرسىنبايەۆا.

ايتا كەتەيىك، ەليزابەت تۇرسىنبايەۆا بيىل ماسكەۋ مەملەكەتتىك حالىقارالىق قاتىناستار ينستيتۋتىنا وقۋعا ءتۇسىپ، ستۋدەنت اتاندى.