08:32, 29 - قىركۇيەك 2020 | GMT +6
مادريدتە كارانتينگە قارسى شەرۋ ءوتتى
نۇر-سۇلتان. قازاقپارات - مادريدتىڭ ۆالەكاس اۋدانىندا نارازىلىق شەرۋى ءوتتى. كوشەگە مىڭداعان ادام شىعىپ، اۋداننىڭ كارانتينگە جابىلۋىنا قارسىلىق تانىتتى. پوليتسيا مۇندا باقىلاۋ بەكەتتەرىن ورناتىپ، قالانىڭ وزگە اۋماعىنان ءبولىپ تاستادى.
تەك جۇمىسقا باراتىندار عانا ارى- بەرى قاتىناي الادى. كوروناۆيرۋس ىندەتى نەگىزىنەن ءمادريدتىڭ ەڭ كەدەي اۋداندارىنا تاراپ كەتكەن. جالپى شاھاردىڭ 37 اۋدانى وقشاۋلاندى. وندا 800 مىڭداي ادام تۇرادى. ىندەت باستالعالى يسپانيادا 700 مىڭ ادام ۆيرۋس جۇقتىرىپ، 30 مىڭنان استامى كوز جۇمعان. ناۋرىز ايىنىڭ ورتاسىندا ەلدە قاتاڭ كارانتين ەنگىزىلگەن بولاتىن. ال ماۋسىمدا شەكتەۋ شارالارى جەڭىلدەتىلدى. الايدا ءقازىر ىندەت قايتا دەندەدى. وسىعان بايلانىستى يسپانيانىڭ جەكە ايماقتارى كارانتين ءتارتىبىن ەنگىزۋگە ءماجبۇر.